越男仔 (Moved) New Location

出來買玩具，冇想到這邊有間新派越南菜。餐廳裝修得好特別，餐牌有幾款得獎菜，當然要叫啦。天氣咁熱，所以食撈檬。招牌古法窩蛋烤牛肉生菜包撈檬，老闆話先食生菜包，再撈起食檬。不但感覺好新穎，二合一，而且味道好好，生菜包好清新，窩蛋撈了牛肉碎，好配。得獎椒鹽軟殼蟹，味道勁香，全是炸蒜和辣椒佈滿軟殼蟹，蟹本身夠香脆，加了香蒜惹味，又辣辣地，真心好味。火炙 牛他他 海膽卷，又一驚喜，一卷卷牛肉上，有勁多海膽。老闆教點帶辣的酸汁，果然味道好夾，食了一卷，口腔充滿海膽甘香味，好新鮮。