Video
Read full review
2024-05-18
67 views
💁♀️💁♂️ 10/05/2024(Fri), Dinner💁A先生近排喺網上睇咗唔少嘅內地片段介紹四川嘅特色冒菜，覺得都幾吸引，咁啱原來💁A先生公司附近就有得食，一於放工搵埋💁♀️為食妙妙過嚟一齊食完先返屋企。餐廳位於一座大廈嘅25樓，位處高層所以坐近窗邊嘅客人都可以望到附近嘅樓景。內裡裝修精緻，入口處旁邊有條好似時光隧道咁嘅打卡位置，座位都安排得好闊落，坐得好舒服。而今晚我地order咗：🔆 吉祥套餐（$66） 為食妙妙就揀咗潮汕手搥牛肉丸、潮汕蒜香墨魚🦑丸、滑牛肉、豬大腸、牛黃喉同貴州丁家脆哨，跟米線同貴州臭豆豉辣湯(小辣)。先試試湯底呢個貴州臭豆豉辣湯味道都幾特別，辣🥵之中帶一點臭豆豉獨特嘅味道，雖然個名叫臭豆豉，但其實一啲都唔臭，個味仲幾吸引㖭！潮汕手搥牛肉丸嘅咬落去彈牙而牛肉味濃，食落都仲有肉汁；墨魚丸食落好足料彈牙，唔會太多粉無晒墨魚味；牛肉嫩滑；而豬大腸切得都幾大件又入味；牛黃喉食落爽口；脆哨就係貴陽嘅地方小食，係用肉粒醃製後炸成，餐廳另外用一隻小碟裝住脆哨上枱，咁就唔怕被湯浸住影響口感。先試試唔浸湯就咁食，口感香脆鹹香，之後浸一陣湯再食就吸收咗湯嘅味道，又係另一種滋味
💁♀️💁♂️ 10/05/2024(Fri), Dinner
💁A先生近排喺網上睇咗唔少嘅內地片段介紹四川嘅特色冒菜，覺得都幾吸引，咁啱原來💁A先生公司附近就有得食，一於放工搵埋💁♀️為食妙妙過嚟一齊食完先返屋企。
餐廳位於一座大廈嘅25樓，位處高層所以坐近窗邊嘅客人都可以望到附近嘅樓景。內裡裝修精緻，入口處旁邊有條好似時光隧道咁嘅打卡位置，座位都安排得好闊落，坐得好舒服。
而今晚我地order咗：
🔆 吉祥套餐（$66）
為食妙妙就揀咗潮汕手搥牛肉丸、潮汕蒜香墨魚🦑丸、滑牛肉、豬大腸、牛黃喉同貴州丁家脆哨，跟米線同貴州臭豆豉辣湯(小辣)。
先試試湯底呢個貴州臭豆豉辣湯味道都幾特別，辣🥵之中帶一點臭豆豉獨特嘅味道，雖然個名叫臭豆豉，但其實一啲都唔臭，個味仲幾吸引㖭！潮汕手搥牛肉丸嘅咬落去彈牙而牛肉味濃，食落都仲有肉汁；墨魚丸食落好足料彈牙，唔會太多粉無晒墨魚味；牛肉嫩滑；而豬大腸切得都幾大件又入味；牛黃喉食落爽口；脆哨就係貴陽嘅地方小食，係用肉粒醃製後炸成，餐廳另外用一隻小碟裝住脆哨上枱，咁就唔怕被湯浸住影響口感。先試試唔浸湯就咁食，口感香脆鹹香，之後浸一陣湯再食就吸收咗湯嘅味道，又係另一種滋味。
🔆 吉祥套餐（$66）
A先生就揀咗潮汕手搥牛肉丸、潮汕蒜香墨魚🦑丸、滑雞片、毛肚同埋豆腐串，而湯底就要小辣嘅重慶麻辣湯，再配白飯。咁樣揀係因為A先生見過唔少內地嘅片介紹食冒菜都主要配毛肚同白飯，一於照跟試試先。
毛肚食落爽口，佢嘅表面吸收咗麻辣湯嘅味道，再加上湯面浮住嘅一層紅油，入口又香又麻辣，十分刺激；滑雞片正常嫩滑，配上麻辣湯都唔錯；豆腐串索咗麻辣湯底，入口一咬湯汁就湧返出嚟，夠晒味道。
🔆 秘製藤椒魚皮（$48）
魚皮爽口又涼浸浸，加埋藤椒嘅麻辣香味，係個開胃嘅小食。
🔆 酸梅青檸🍋🟩烏龍茶（套餐+$15）
有酸梅同青檸🍋🟩嘅配搭，飲落酸味有層次，開胃又解辣。
🔆 洛神花山渣蘋果🍎 （套餐+$15）
同樣有兩種層次嘅酸味，再加埋清甜嘅蘋果🍎，入口清新😋。
🔆 桂花蜜烏梅冰粉
一碗內有烏梅冰粉、山渣QQ果凍，再淋上桂花蜜糖🍯，酸酸甜甜咁。啱晒食完比較濃味嘅冒菜之後清一清味蕾。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：8.5/🔟
❤🙆♀️(為食妙妙)整體食評：8/🔟
👉🏻 幾特別嘅四川冒菜，份量啱晒一個人或者人數少可以試多幾款
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 泊車方面餐廳附近橫街嘅錶位🅿️睇你好唔好彩，或者泊去林士街停車場🅿️行大約5-10分鐘到餐廳
👉🏻 離開德輔道中一條街，有多線巴士/電車途經，離港鐵上環站大約5分鐘路程，交通尚算方便
🔆🔆🔆🔆🔆🔆🔆🔆🔆🔆🔆🔆🔆
Post
