Uma Nota (Closed)

平時食西餐食到厭厭地，今次就同朋友搵咗間巴西同日本fusion菜試吓。餐廳位於上環嘅SOHO區，裝修得非常之有特色，有着拉丁美洲獨特嘅熱帶風情。平日嘅七點前都係happy hour ，酒品每杯只需$50左右，非常抵飲！我同朋友就點咗杯Cocktail of the day，望落有少少似Mojito，味道非常清新。手握壽司精選分別係吞拿魚山椒、帶子海膽泡沫同煙燻鴨胸，食材新鮮，而且調味獨特。特別鍾意呢件帶子海膽泡沫壽司，食起上嚟鮮味十足。木薯芝士粒非常有咬口，中間有少少芝士嘅鹹香。甜辣醬有少少似麥當勞嗰種，呢度菜我就覺得冇乜特別。炭燒肉眼扒都幾值得推薦，牛扒外層淋上咗青醬，食落帶有微微的焦香。口感唔算話好腍，但勝在牛味香濃。甜品黑朱古力球好似一粒大型金莎咁，賣相非常之吸引。外面嘅脆皮係黑朱古力，中間嘅朱古力mousee亦唔會好甜，味道都唔錯。