Mue Mue

Open Now

Now Closed

這裏的泰國菜，感覺和傳統的泰國菜外貌上零捨不同。唔單止食材新鮮，味道層次感都好豐富新穎。香茅雞翼外皮炸得鬆脆，內裡雞肉保持多汁，帶出一種泰式獨特嘅香氣。咖喱金菇粉絲和牛係其中一個驚喜，咖喱香濃，和牛肉質嫩滑，配埋粉絲同金菇，口感層次十足。即烤沙爹串亦值得一試，肉質鮮美多汁，配埋沙爹醬嘅甜辣，食落去有種南亞風情，令人回味。另一道冷盤泰式青醬鮑魚，冰鎮過嘅鮑魚食落清爽，青醬嘅酸辣帶嚟強烈嘅開胃感。魚子醬紅磚豆腐外脆內軟，配合泰式香料，味道上有意想不到嘅驚喜。不過，馬拉盞炒椰菜味道偏向平實，雖然鑊氣足夠，但整體冇太多特別之處，稍遜色啲。最後再提下海鮮冬陰公湯，材料足夠，湯底辣度適中，成為開胃菜嘅不二之選。甜品方面，芒果椰子沙冰清甜解辣，正好平衡之前食咗嘅濃味菜色。最後嚟一客黑糖椰子雪糕，軟滑嘅雪糕配埋Q彈黑糖果凍同椰絲脆感，為整餐畫上完美句號。