滿小館 (Closed)

今晚同朋友黎左呢間中菜餐廳食晚飯，呢度嘅小菜款式比一般傳統中菜館較為有特色。店內環境寬敞，乾淨衛生，平日晚飯時間都幾多人～有多款茶葉/花茶選擇，我哋揀咗白桃烏龍，茶味甘香、淡淡白桃香。蝦多士炸到金黃酥脆蝦多士，用上原隻大海蝦，蝦肉新鮮好厚身，啖啖蝦肉。風沙脆豬手香脆口感煙煙韌韌，豬手皮滿滿骨膠原。火焰古法燒腩叉店員即時點火燒香，未食已經聞到陣陣香味，五花腩肉大大舊肥瘦相間，面層塗上一層桂花蜜味道更多清香。尖椒炒大腸 大腸好圓潤肥美，口感軟綿綿，加上尖椒一同炒更加惹味。蟹肉扒時蔬 滿滿嘅蟹肉蛋白份量十足，蔬菜好鮮嫩。有錢佬炒飯 炒飯炒得好煙靭，粒粒分明鑊氣十足，加左香濃咸蛋黃碎炒，味道好鮮味。紅米草莓卷不太甜味道清新，口感煙靭。