船渦

Open Now

Now Closed

成日都聽到人哋講話咩粥底火鍋、魚湯米線咁樣，今日終於有機會嚟到銅鑼灣呢一間船渦度食。餐廳嘅位置非常便利，喺SOGO後面行大概3分鐘左右就到。餐廳嘅裝修非常之有特色，係用啲簾間開左每一個位置，同朋友食飯嘅時候都好有私人空間。我哋今日就分別叫咗一個九品芝麻套餐同埋內務總管套餐，每一個套餐其實都好豐富，有齊海鮮、例如貝殼類蝦魚等等。另外仲有牛肉雞肉豚肉可以選擇，再加上配菜、墨魚丸、牛丸等等，食到一半已經非常之飽。而印象最深刻嘅係佢嘅海鮮非常新鮮，啲貝殼上到枱之後都仲識得郁，所以食落去非常鮮甜，而去嘅海鮮汁流落去下面個湯底，再加上魚湯烹調，味道非常吸引。整體上呢一餐都係一個好特別嘅體驗，咁樣食法嘅火鍋真係唔多，而餐廳嘅裝修又令人坐得好舒服，絕對推介大家去試一試。