Video
Read full review
2023-10-26
16 views
WM cafe（啟岸）啟岸開咗好多特色嘅餐廳，見到有間餐廳可以望到街景，就入去試試(｡･ω･｡)ﾉ🌟入到去環境好舒服，有萬聖節嘅裝飾，乾淨衛生，我仲安排咗坐喺窗邊位，可以望到成條街嘅街景(⁎⁍̴̛ᴗ⁍̴̛⁎)！！除咗室內之外，佢都有一啲室外嘅位置，可以同朋友一邊食一邊望風景。烤香草羊架伴西蘭花苗-焗蒜頭配露絲瑪莉汁$278極力推介羊架😍羊架餐廳職員建議我地七成熟，羊架嘅外層煎得好脆，入邊啲肉無騷味、無根、好嫩，令我覺得自己唔係食緊羊🤤露絲瑪利汁同羊好夾，大家唔會搶咗對方嘅風頭！極力推薦！四川麻辣大蝦意大利粉🍝 $188意粉煮得剛剛好，唔會過熟唔會太硬，口感非常好😋意粉嘅大蝦彈牙有口感🍤🍤數量唔少！意粉旁邊仲有蘆筍，蘆筍新鮮爽口，冇任何嘅渣。四川麻辣呢嘅辣度偏溫和，有麻香味，好似我呢啲鍾意食辣但又唔食到太辣嘅人就啱曬🌶️芝士奶蓋牛油果沙冰 $48平時出去飲沙冰可能會飲到好多冰，影響咗口感，但係呢度嘅牛油果沙冰，完全飲唔到冰粒，冰凍得來又好順滑🫶芝士奶蓋同牛油果味道原來都幾夾🥑最得意係飲品上面會放一粒麥提莎😆啱晒我呢啲鍾意食朱古力嘅人💓💓生啤 $1依家做緊一個超級抵嘅優惠，用一蚊就可以換到一杯生啤🍺
啟岸開咗好多特色嘅餐廳，見到有間餐廳可以望到街景，就入去試試(｡･ω･｡)ﾉ🌟
入到去環境好舒服，有萬聖節嘅裝飾，乾淨衛生，我仲安排咗坐喺窗邊位，可以望到成條街嘅街景(⁎⁍̴̛ᴗ⁍̴̛⁎)！！除咗室內之外，佢都有一啲室外嘅位置，可以同朋友一邊食一邊望風景。
烤香草羊架伴西蘭花苗-焗蒜頭配露絲瑪莉汁$278
極力推介羊架😍
羊架餐廳職員建議我地七成熟，羊架嘅外層煎得好脆，入邊啲肉無騷味、無根、好嫩，令我覺得自己唔係食緊羊🤤露絲瑪利汁同羊好夾，大家唔會搶咗對方嘅風頭！極力推薦！
四川麻辣大蝦意大利粉🍝 $188
意粉煮得剛剛好，唔會過熟唔會太硬，口感非常好😋意粉嘅大蝦彈牙有口感🍤🍤數量唔少！意粉旁邊仲有蘆筍，蘆筍新鮮爽口，冇任何嘅渣。
四川麻辣呢嘅辣度偏溫和，有麻香味，好似我呢啲鍾意食辣但又唔食到太辣嘅人就啱曬🌶️
芝士奶蓋牛油果沙冰 $48
平時出去飲沙冰可能會飲到好多冰，影響咗口感，但係呢度嘅牛油果沙冰，完全飲唔到冰粒，冰凍得來又好順滑🫶芝士奶蓋同牛油果味道原來都幾夾🥑最得意係飲品上面會放一粒麥提莎😆啱晒我呢啲鍾意食朱古力嘅人💓💓
生啤 $1
依家做緊一個超級抵嘅優惠，用一蚊就可以換到一杯生啤🍺😆👍我哋咩嘢食都未叫就嗌咗杯先🙌🏻
Hoegaarden 蜜桃味 🍑$10
我一向都唔鍾意飲啤酒，覺得好苦，而呢款啤酒帶甜，容易入口🥳仲要好抵😂加十蚊就有👍👍
📍 WM Café & Bar (啟岸) (土瓜灣)
土瓜灣馬頭圍道63號啟岸1樓13號舖
#wmcafe&bar
Post
