越男仔 (Moved) New Location

旺角登打士街一向多好野食，今晚相約左朋友去廣華醫院附近食個晚飯，網上見到呢間特色越南fusion菜，就決定一試。店舖雖小，但裝修都幾特別，有好多不同色彩pattern的磚作裝飾，我地各自點左一碗檬，再點兩個小食。沙爹烤牛撈檬粉除左牛肉，有青瓜、紅蘿蔔、生菜、蒜片等配菜，沙爹汁夠香、有少許花生粒好惹味。椰汁雞肉湯檬粉個湯酸中帶有淡淡椰香味, 一入口開始會有d怪, 但食落去會越食越想食。四式檬紙卷有海膽、三文魚、炸醬、手撕雞，海膽、三文魚份量算多，海膽甘香新鮮。炸軟殼蟹有完整一隻蟹，好多炸蒜、辣椒舖面，好香脆同入味，第一次食啖啖肉既軟殼蟹。