姚姚酸菜魚 (青衣城1)

Open Now

Now Closed

天氣涼涼地, 嚟到青衣城吃個午飯, 餐廳地方好開揚, 用餐環境清潔舒適。多款午市套餐, 雞煲、火鍋和粉麵飯都有。套餐包括是日涼菜、頭抽時蔬和手打檸檬茶。招牌鱸魚片手打麵揀咗大骨湯底, 奶白鮮味, 有蔥粒、辣椒和酸菜, 清香開胃。鱸魚片鮮甜嫩滑, 份量都幾多, 手打麵爽滑彈牙。蕃茄牛肉麵蕃茄湯底鮮甜酸香, 牛肉肉厚幼滑, 還有爽脆大豆芽菜, 配合麵條, 吃起來更有質感。酸辣土豆絲口感爽脆, 酸酸辣辣好醒胃。雞煲二食套餐幾有特色, 食完雞煲打邊爐。先吃雜菌雞煲雞件份量好多, 肉質嫩滑, 加上雜菌香氣, 醬汁好入味。雞煲打邊爐有炸雞皮、雞片、雞雜和雞塊, 還有蔬菜拼盤一份, 炸雞皮淥完湯仍很香脆, 雞片和雞塊嫩滑, 雞雜口感甘香。