Video
Read full review
2017-05-16
956 views
見住佢裝修見住佢開，但遲遲都未嚟過，終於都嚟試下。入面有張大枱，每邊坐3個，即係12個人一齊坐，又迫又唔方便。Biang Biang麵，聽啲阿姐讀應該係叫「餅餅麵」，未見過呢啲麵😮都未見過一個咁多筆劃嘅中文字😅叫左個酸辣芹菜餃，見個個都係食呢個湯底嘅湯麵，食到身水身汗。餃子夾起好易爛，個餡即刻跌出嚟，基本上皮同餡分開，冇左餃子嘅意義。乳香雞翼biang biang麵，啲麵有啲似腸粉嘅味，但就相對堅韌有彈性好多，條條都勁長但唔易斷，撈啲辣椒蔥蒜紫菜，雖然碗麵係幾油下，但好有特色好風味。雞翼都食到南乳味嘅，唔係好熱但同時唔會好油，ok啦。金沙骨就差啲，又嚡又乾。呢度有大概三分一機會同人瘋狂搭枱迫死罷就，啲阿姐態度都確實差差地，但價錢相宜，食嘅野亦都好特別，其他地方冇。唔係話超好味，咁濃味兼油膩都唔適宜成日食，但個麵係幾得意，一試無妨👍🏻
Biang Biang麵，聽啲阿姐讀應該係叫「餅餅麵」，未見過呢啲麵😮都未見過一個咁多筆劃嘅中文字😅
叫左個酸辣芹菜餃，見個個都係食呢個湯底嘅湯麵，食到身水身汗。餃子夾起好易爛，個餡即刻跌出嚟，基本上皮同餡分開，冇左餃子嘅意義。
乳香雞翼biang biang麵，啲麵有啲似腸粉嘅味，但就相對堅韌有彈性好多，條條都勁長但唔易斷，撈啲辣椒蔥蒜紫菜，雖然碗麵係幾油下，但好有特色好風味。雞翼都食到南乳味嘅，唔係好熱但同時唔會好油，ok啦。
金沙骨就差啲，又嚡又乾。
呢度有大概三分一機會同人瘋狂搭枱迫死罷就，啲阿姐態度都確實差差地，但價錢相宜，食嘅野亦都好特別，其他地方冇。唔係話超好味，咁濃味兼油膩都唔適宜成日食，但個麵係幾得意，一試無妨👍🏻
Post
