Video
Read full review
2015-02-23
2794 views
尋日做嘢行開銅鑼灣，登龍街又有日式麵店開張。三田製麵所响日本人氣高，可跟一蘭比下去，有人話佢就係'沾麵版一蘭'。其實一蘭同三田旺丁嘅原因並唔係佢係頂級麵食，而係店舖位置，雖然佢唔係最好食，但係味道總算不過不失，質素平均，所以仍然有慕名而來。真係除左富士山55有番熱湯汁服務外，其他嘅都唔興。小弟真係唔係好得碗湯麵食到最後係凍嘅，是但啦，入店隨俗，就黎個招牌辛辣濃厚豚骨魚介沾麵。麵話到明係製麵所，麵梗係自家製，極太麵麵條粗，只幼過烏冬麵丁多。其實識食應該點冷麵，不過我堅怕湯汁快凍，所以要咗熱麵，點知。。。因為熱麵冇過冷河，麵好容易會黐埋一堆，因此師傅响碗底嘅麵剪咗幾下，碎咗就冇咁黐，容易夾啲，但係啲麵條斷哂，點先?! 好心做壞事囉。麵嘅份量分大(280克)中(210克)小(140克)，查實小份已經夠我食，點知個侍應吓咗我一聲，對面搭枱果兩位女仕都點大份，响壓力下我點咗中份量，最後我夾硬食哂。至於果兩位眼闊肚窄，貪心嘅女仕，落地府一定會食番哂食剩果啲麵。麵嘅質感係敗筆，連我食開普通硬度嘅都覺得軟，點餐時亦冇得選擇硬度，當然熱麵係會影響麵質，不過食到後尾真係稔到不行。沾汁層次分明，辣唔會蓋過湯
真係除左富士山55有番熱湯汁服務外，其他嘅都唔興。小弟真係唔係好得碗湯麵食到最後係凍嘅，是但啦，入店隨俗，就黎個招牌辛辣濃厚豚骨魚介沾麵。
濃厚豚骨魚介辛辣沾麵
$88
110 views
0 likes
0 comments
話到明係製麵所，麵梗係自家製，極太麵麵條粗，只幼過烏冬麵丁多。其實識食應該點冷麵，不過我堅怕湯汁快凍，所以要咗熱麵，點知。。。因為熱麵冇過冷河，麵好容易會黐埋一堆，因此師傅响碗底嘅麵剪咗幾下，碎咗就冇咁黐，容易夾啲，但係啲麵條斷哂，點先?! 好心做壞事囉。麵嘅份量分大(280克)中(210克)小(140克)，查實小份已經夠我食，點知個侍應吓咗我一聲，對面搭枱果兩位女仕都點大份，响壓力下我點咗中份量，最後我夾硬食哂。至於果兩位眼闊肚窄，貪心嘅女仕，落地府一定會食番哂食剩果啲麵。
麵嘅質感係敗筆，連我食開普通硬度嘅都覺得軟，點餐時亦冇得選擇硬度，當然熱麵係會影響麵質，不過食到後尾真係稔到不行。
沾汁
層次分明，辣唔會蓋過湯汁本身嘅甜，豚骨同魚介嘅味亦完全分別細嚐得到，魚粉烤香恰到好處，冇喧賓奪主。濃味得黎唔會死鹹，唔肥膩。湯汁內有一件豚肉，超濃味，鬆化香口，為可口嘅湯汁點綴。
湯上枱時都算熱，食到第五啖就開始變暖，食到一半就凍哂，夾硬食哂真係有啲辛苦。邊個話要熱麵個湯就唔會凍，唔好自己詭自己啦。
仲有，食完個麵加熱清湯(湯割)，加咗湯都唔熱，可想而知碗湯汁有幾凍。
配料
叉燒鬆化，偏瘦但入口溶化，味道濃郁。半熟蛋蛋黃軟糯，蛋白入味唔過鹹。荀條爽口無渣，配料素質平均。
炸雞
$20
87 views
0 likes
0 comments
賣相正宗，伴大量椰菜絲。皮薄酥脆弱味濃，雞肉軟滑多汁，新鮮炸起，不錯嘅小食，值得一試。
總括黎講，就係OK, 唔可以叫好好，但係又唔差，唔想周圍搵，又要有保證，三田幫到你。有聽講話個老闆想迎合香港人口味, 將麵嘅硬度同湯嘅油份有所調校......唉...
Post
