Video
Read full review
2016-12-24
645 views
香港地可以隨處食到日本野，而係呢區都有唔少出色既日本風味，但亦試過七七八八，收左工一個人，又四圍闖下搵下好西，嘗試找較有特色既，今次我搵到呢間。招牌唔影啦，以免有賣廣告成份，裝潢格調用上香港人較喜歡的暗黑，店員帶我到一張四至五人台，前面是鐵板燒，店員說正確黎講是玻璃陶瓷電燒，有新鮮感我鍾意。廚師黎料啦，先煮份美國黎既西冷扒（250g）個爐一tart就夠熱，廚師將塊扒微微加熱後，將多餘既脂肪與根部即時切走，以免客人食既口感受影響，此舉是相當細心。然後廚師將牛扒切成一塊塊一口牛，加埋蒜片就上碟。medium well既牛肉再聚集脂肪既香味真係好滑好吸引，裡面既肉汁係口腔裡面爆發。整體黎講係一份高質肉扒。食完鐵板燒，當然要試埋壽司啦。我就叫左個壽司拼盤，當然貪佢樣樣都可以試下啦。呢度既壽司幾正宗，刺身較大，而飯團較小，但塊刺身肉又唔會係過大，吃得出魚肉既鮮味外又不失壽司飯既襯托。成份壽司拼盤當然係由淡味吃到濃味啦。牡丹蝦夠滑又有本身帶點黏既口感，肉身夠甜又爽，食得出係新鮮既蝦。日本帶子口感豐厚，似鮑魚狀但比鮑魚滑身及更易咬口。開始進入濃味壽司，三文魚籽大大粒，賣相吸引，啖啖既魚籽油香在咀裡和
招牌唔影啦，以免有賣廣告成份，裝潢格調用上香港人較喜歡的暗黑，店員帶我到一張四至五人台，前面是鐵板燒，店員說正確黎講是玻璃陶瓷電燒，有新鮮感我鍾意。
廚師黎料啦，先煮份美國黎既西冷扒（250g）個爐一tart就夠熱，廚師將塊扒微微加熱後，將多餘既脂肪與根部即時切走，以免客人食既口感受影響，此舉是相當細心。
然後廚師將牛扒切成一塊塊一口牛，加埋蒜片就上碟。medium well既牛肉再聚集脂肪既香味真係好滑好吸引，裡面既肉汁係口腔裡面爆發。整體黎講係一份高質肉扒。
食完鐵板燒，當然要試埋壽司啦。我就叫左個壽司拼盤，當然貪佢樣樣都可以試下啦。呢度既壽司幾正宗，刺身較大，而飯團較小，但塊刺身肉又唔會係過大，吃得出魚肉既鮮味外又不失壽司飯既襯托。
成份壽司拼盤當然係由淡味吃到濃味啦。牡丹蝦夠滑又有本身帶點黏既口感，肉身夠甜又爽，食得出係新鮮既蝦。日本帶子口感豐厚，似鮑魚狀但比鮑魚滑身及更易咬口。
開始進入濃味壽司，三文魚籽大大粒，賣相吸引，啖啖既魚籽油香在咀裡和舌頭中間徘徊。吃了塊生姜，準備食這件拖羅，嘩一咬就將裡面既魚油咬出黎，但係唔覺肥利，再咬口感滑之餘，裡面甜既魚汁又出埋黎。最後仲有件海膽壽司，海膽是堆到滿滿的，我貪心地將整件放入口了。海膽隨即帶出本身既甜味，與飯混合就更令口感提升，另外仲有海水既鹹味，是新鮮既海膽才會有既味道。
不枉我今晚來這裡走轉，才吃到我獨個兒的晚餐，更能用心享受這頓晚餐。
Post
