玖捌 (Closed)

某日路過呢間店鋪，見到新開既餐廳，俾門面既藍綠色吸引左，呢隻色好特別，之後就望下有咩食同飲甘，店員好好甘拎左張外賣紙俾我睇，仲問我入唔入去坐，之後我就問店員有咩好飲既推介特別飲品，佢就叫我試下格仔餅，格仔餅食就食得多啦，飲落口既格仔餅就真係第一次，同埋見到個玻璃櫃有好多款五顏六色既甜品放响度，我就問店員幾錢同埋咩顏色係咩味甘，店員細心逐一介紹款式同味道俾我，呢度既甜品仲有樣特別之處就係”一啖一口"，唔會太多甘就可以試多幾款唔同既口味，買左外賣既芝士蛋糕，軟心菠蘿包同馬卡龍，原來呢度開左三個月左右，店員仲講左璧畫既字既故事俾我知（想知可以去餐廳問下店員，我就唔開估果兩個字既意思啦～哈哈）格仔餅飲品甜得黎又有花生醬仲有糖蔥餅既糖餅條，飲落口感都幾特別，又幾有咬口甘，材料真係落到足嫁，唔知遲下會唔會連"雞蛋仔"味都有呢？哈哈。店員仲問我會唔會堂食一件先，我就食左芝士蛋糕，迷你得黎又真係唔太甜幾好味。其他五件就用個靚靚盒包住拎走。走之前仲影左張璧畫相，真係好靚同有意思。不過軟心菠蘿包就味道一般，開心果既味唔夠出，可以改良一下。馬卡龍同芝士蛋糕都好好味。