天外天

因為同屋企人慶祝生日，到訪Hotel Icon 中菜餐《天外天》，已提前一個月訂枱，可惜被安排既位置都不是很好，只有部分海景景觀，如果想享受靚海景景觀要預更多時間預訂。🔹羊肚菌北菇炆素干層 $268平時素菜嘅芡汁味，不過不失。🔹櫻花蝦帶子蟹肉炒飯 $248櫻花蝦帶子肉分佈平均，都幾足料，香脆櫻花蝦、滑滑帶子肉再加埋粒粒分明帶有點獲氣嘅炒飯，食落有層次有𡁻口，平時唔太食飯，今次都忍唔住添左兩次飯。🔹黑蒜鮑魚雞煲 $338一上枱香氣十足，鮑魚有咬口，可惜雞肉味淡亦唔夠嫩滑。🔹片皮鴨$768餐廳員工會在旁邊為你準備片皮鴨然後再上枱，鴨肉不過不失，無鴨騷味，皮夠香脆，可惜餅皮好厚又無麵粉香，對酒店餐廳期望會高一點，所以有點點幾失望。🔹時菜 $168以魚湯作湯汁都幾鮮味，菜心爽口。🔹桂花梨黑醋豬柳 $288帶有淡淡桂花香，酸酸甜甜，黑醋味溫醇，醬汁係好開胃，可惜豬柳好細舊，外層炸粉厚，肉質亦唔係好Juicy。🔹蟠桃壽包 $60壽包夠熱辣辣，包皮軟熟有微微包嘅甜香，配蓮蓉餡料，唔算太甜幾好味！