粵珍

Open Now

Now Closed

P哥E神週末出咗黎灣仔蒲，即興地相約肥肥家族晚聚，一訪屋企附近開咗一年左右嘅「粵珍」。樓上中菜廳簡潔企理，優雅大方，散座空間感足。牆上掛出嘅書法字畫自然流露出中國風。六人被安排入座私人廂房，有專人服務，相當周到。每位席上都擺有齊備嘅自用及公用餐具。厚本餐牌共有十三頁之多，中英對照，簡單易明。椒鹽鮮魷（$240/例）：炸至金黃嘅椒鹽鮮魷皮層酥化香脆，魷魚爽彈有嚼勁，微辣惹味，送酒一流！香煎蓮藕餅（$200/例）：蓮藕餅混入嘅豬肉、蓮藕同馬蹄比例恰到好處，軟潤中帶著爽脆，煎得火候夠，懷舊粵式點心香口尤甚。焗釀鮮蟹蓋（$220/隻）：脹卜卜嘅蟹蓋相當足料，脆皮下嘅蟹蟹啖啖都係肉，厚潤嫩滑，鮮甜無比，撈入鮮爽嘅洋蔥足以增添清爽，P哥最欣賞傳統菜式冇用芝士同白汁，一人一件都唔覺溜。大紅脆皮乳豬（$880/半隻）：乳豬原來可以叫半隻，六人用餐份量啱啱好。乳豬當真如餸名般脆皮，咬落輕巧鬆化，夾上包包後再輕輕點上甜醬已夠可口。手撕二度嘅乳豬肉柔潤軟嫩，另一種口感嘅無窮滋味！蟹肉桂花炒蝦絲（$300/例）：勁似炒桂花翅嘅蟹肉桂花炒蝦絲鮮黃亮麗，當中嘅蝦絲切到同芽菜一樣咁幼身，炒得夠乾身嘅功夫菜鮮爽熱辣，