粵珍

Open Now

Now Closed

小妹對粵菜算孤陋寡聞，只懂去《港灣壹號》，因為貪地方坐得舒服，氛圍也是小妹最愛的華洋折衷，而且最初去的時候不是熟客都未被待慢，感覺良好。近來跟多了朋友品酒，他們除了對葡萄酒認識甚深之外，也廣嚐香港粵菜，參加他們的「饗宴」，友人們如 Symposium 中的蘇格拉底，小妹獲益良多呢。今晚「饗宴」，朋友們選擇了《粵珍》。【 餐廳的佈局 】《粵珍》地方不算寬敞，桌子數張，房間幾個，木格子屏風分隔餐廳和接待處，淡灰牆壁，亦有格子窗框點綴，桌子鋪上灰紅桌布，紅色凳子，看上去未算講究設計，也無煞有介事要帶出甚麼故事與「哲學」，只是一家普通中菜酒樓的裝修。就是沒有喋喋不休地講故事，小妹感受到《粵珍》骨子裡竟有點嶺南含蓄的雅緻，一進來覺得很舒服。【 粵菜 】 好了，既然評「粵菜」，要講一講「粤菜」一辭吧。從廣義來說，粵菜可以說由廣府、潮州菜和客家菜三個地方的菜组成（根據羊城晚報）。狹義來講，就是南番順地方菜式集中在廣東經濟中心廣州的「廣府菜」。今天講的粵菜就是廣府菜啦。當然粵菜一個特色就是兼收並蓄，有外省傳入的菜式演變為粵菜並不出奇。【 「福」系粵菜 】系出「福臨門」的粵菜，朋友們講有幾家，例如家族經

老是常飲茶，興之所至，又與友人來試一下。前菜乃腰果拼合桃，當甜甜的琥珀合桃遇上鹹香的腰果，天作之合，即時令人食慾大增！各款點心鮮蝦菜苗餃、蒸素粉果、淮山棉花雞、墨魚餅、灌湯餃、椰汁糕皆為水平之上，要數灌湯餃最有印象，大箸大箸的魚翅，滿足感爆分！蝦籽柚皮炆煮得相當入味，連柚皮的紋理亦找不到，入口即化！伴碟的菠菜需另加一百個大洋，稍嫌貴了點。至於菠蘿咕嚕肉的豬肉仍然脆皮，肉質柔軟，酸甜亦掌握得恰好，燈籠椒也是既香且爽！是一場有趣的味覺體驗！

難以置信 咁好食嘅中菜竟然之前冇發掘🫨 師傅功夫一流 相信嚟緊會去得好密😂 食咗幾樣嘢都非常滿意🫶🏽 必叫鮮美嘅避風塘九肚魚同茶燻雞 隻雞上枱已經聞到茶葉煙燻味勁香☺️ 雞皮雞肉都充滿茶香 雞肉新鮮嫩滑🍗 _ 📸 蟹肉桂花炒蝦絲 (HK$300) 梅菜扣肉煲 (HK$250) 蜜汁燒鱔 (HK$320)🌟 避風塘九肚魚 (HK$160)🌟 香煎蓮藕餅 (HK$120) 茶燻雞 (HK$300/半隻)🌟 芝麻卷 (HK$68/4件) 紅棗糕 (HK$68/4件)

又到了食蛇宴的季節，即時想起灣仔粵珍，因為上年一試難忘，而且服務態度更是超班，所以今年再同屋企人再次去到粵珍回味一番花膠蛇羹真材實料，口感一個字「絕」，絕級好味羊腩煲皮肉分配剛剛好，啖啖肉！另外我平時唔太食魚，估唔到山瑞咁好食，炒同炆兩種食法，令我有兩種唔同層次的口感，但這些都是時令季節才有，如果想食記得打電話留食材。食完又暖胃又補身因為食得太爽，所以冇影到糯米飯，但糯米飯炒得恰到好處，唔油膩，糯米飯粒粒分明。食完已經非常滿足，但最後都食咗一碗杏仁茶做結尾

因為雙方家長第一次見面所以要精心挑選，經朋友介紹下就去試吓.. 首先佢哋服務態度非常好，幫我寫菜單，仲要印出嚟，好有儀式感🎊我未來老爺奶奶都對食魚有極高要求.. 本身冇太大期望（因為其他好多酒樓都失望而回），點知……佢哋讚不絕口，話蒸到剛剛好…雖然食咗成個禮拜，但佢哋仲提緊條魚😆😆😆另外茶燻雞同海參炆鵝掌係必點，超級入味. 但呢個菜要提前order,所以一定要提前打電話最後要再讚係佢哋嘅老火湯絕無味精，仲可以提前同staff講低你嘅口味（偏淡或偏咸），所以絕對唔係酒樓一早煲定一大煲果隻👍🏻👍🏻👍🏻👍🏻👍🏻呢間真係可以推薦俾對食有要求嘅人

今日同老公帶埋媽咪去飲茶，當係提早食母親節飯，知道灣仔附近新開了一間叫粵珍的中菜，仲有點心食，即刻去試下，入到去環境舒服，待應服務都好殷勤，好好笑容，仲有蜜糖合桃，媽咪最鍾意！媽咪最鍾意叉燒，即叫！半肥瘦，口感軟稔，一流！再叫了豉汁鳳爪、蒜蓉鮮魷、山竹牛肉同咸水角，呢D都係媽咪最愛，整體水準都係高嘅另外再點了一個XO醬炒蘿蔔糕，需然叫炒蘿蔔糕，但佢每一面都煎到香脆，呢一份心機，真係值得一讚！最後，我地揀左3個甜品，馬拉糕、即磨合桃露同芝麻卷，真係超級滿足，媽咪讚口不絕！今次真係無揀錯地方！

今日絕對是慕名而來的，睇到好多報章介紹，知道是何必館資深班底，亦有名廚坐陣，出品有保證。先講環境氣氛，清雅舒適，唔會一片喧鬧，讚！前菜小食竟然有蜜糖合桃同腰果，大大碟，十分慷慨；店員見你杯茶半滿，會主動替你添茶，很窩心，我同老婆食得好開心。食物方面，叉燒係必食的，我真係好耐無食過，厚切半肥瘦叉燒了，帶少少燶邊，肉質軟嫩，食完第一舊，我忍唔住叫左碗飯，haha!紅米脆皮腸，望落似炸兩，其實外層係腸粉皮，十分通透；內裡應該係春卷，脆卜卜，大大隻蝦，外軟中間脆，再加埋蝦嘅質感，真係3種感受於一身，正！灌湯小籠包，賣相統一，每粒 size、形狀都一樣！用筷子輕輕夾起，立時感覺到裏面嘅肉餡墜落，小籠包外皮厚薄得宜，感覺有韌性，足夠承住湯汁不漏，肉餡好鮮甜，湯汁清鮮。佢哋個豆瓣醬都係百搭，十分惹味，一定要試！童年回憶，懷舊芝麻卷，「菲林」晶瑩剔透，充滿光澤，邊咬邊啜，滑溜溜的，我喜歡大口咬，老婆就愛把整條「菲林」張開來吃，十分有趣！最後，各自點了甜品，即磨合桃露和蛋白杏仁茶，口感順滑易入口，非常香濃，完美嘅句號，定必再來！

看報紙2,3個專欄，都讚此處，就來體驗一，這裏前身車氏粤菜，後轉可必館。 裝修一般私房菜，雅緻整潔，上次去粤饌就貴氣及豪華多的，餐具又高級的。 侍應推介糟鹵鳳爪$120，說福建阿姐自家弄，俾佢吔試，好味，擺上餐牌，讓食客品嚐。 昨晚先蒸熟新鮮鳳爪， 浸酒糟， 加指天椒， 泡椒， 洋蔥，  肉爽口 ，有嚼勁，有酒香，餐前小食，以此價有點貴。 煎蓮藕餅$120，質感有粉未溶，無猪肉味，鯪魚味一般，香口可以，整體不及格，多年前食過農圃飯店，好味到現在還記得（最近去咗鮑一樓，同樣菜式，好掂多多） 瑤柱金菇蟹肉炆米粉$230， 炆比較腍且濕，如果加些芽菜和粉絲會爽口啲， 自家拆蟹肉，蟹肉彈及鮮甜， 凍咗先試到米粉索咗蟹水，即有蟹味，海鮮味，但我還是喜歡龍苑蟹肉炒粉絲，一食已有蟹肉味，因多蟹肉。

無論是轉手前的何必館還是現在的粵珍，廚房和樓面都是來自福臨門資深的廚師和前員工，所以要吃美味而正宗的粵菜，這裡一定有保證。其實有的看似普通的家常菜，包括正宗鹽焗雞，香脆又入口即溶蜜汁燒鳳肝，和足料鮮甜的老火淮杞鳳爪燉螺頭湯，都是得預先處理好的「功夫菜」，所以如欲大快朵頤，就必須預留這些菜式了。有時吃太多辛辣火鍋和香脆煎炸食物，轉換一下胃口，吃頓清淡廣東菜，滋補養胃是必須的。順帶一提，這裡還有懷舊芝麻卷和豆沙蘋葉角等傳統粵式甜點，真的不容錯過啊！

本身自己是一個胃食的人，而且非常喜歡去不同餐廳、酒家品嚐。經朋友介紹後，赤身一人黎到粵珍品嚐一下，一入門口，每個服務員都非常有禮貌，感覺良好。到叫餸菜時諗住自己一個就叫了幾樣菜式就夠，餐前想食啲小食，服務員介紹了特色雞腳，真的非常惹味，本來唔喜歡食洋蔥的，竟然成碟食完，配合得天衣無縫。如果喜歡食冷盤，少少辣嘅人，真係一定要試，絕對食完想繼續食落去。牛腩撈粗麵，牛腩非常嫩口，而且每件牛腩都非常入味，估唔到可以媲美出面專做牛腩麵嘅舖頭黃金豆腐，外脆內軟而另外一樣驚喜係甜品都可以做得咁出色，芒果布丁粒粒芒果，口感非常美味

今日下晝，另一半發現昔日的何必館，在原址以「粵珍」之名重開，加上見到其他評論，表示他們質素還比以前好，招呼亦非常之殷勤，那麼我就好像昔日幫襯何必館的心態，訂位。的確，去到坐低，職員招呼十分殷勤，呢一點係值得讚賞嘅！環境亦非常之乾淨！但係，去到點菜嘅時候就出現咗一個情況，我本來想叫一個「欖角陳皮絲炒斑球」，咁個職員就話：因為而家只剩返四両肉，所以就唔能夠炒出一個例牌。咁我就問佢：如果四両肉即係幾多錢呀，佢就話： $100一両，四両就係$400 ！原本我都諗住叫㗎喇，跟住佢再加左句：你可以用菜薳炒就加$160 ，即係換句話講四両肉加菜薳，就係$560啦！去到呢一度我就諗，本身欖角陳皮絲炒斑球一個例牌係幾多両肉嘅呢？咁我就問佢啦，佢就話一個例牌係六両肉，而一個例牌係$600用欖角陳皮絲炒！但係佢從來冇建議我用返欖角陳皮絲去炒個四両肉，反而佢建議我係加菜薳去炒個四両肉，仲要係額外加$160！正常來講，大家會選擇用$560去食四両肉，定係選擇用$600去食六両肉呢？可能大家覺得我好小家，去得何必館呢啲級數嘅地方，就無謂太計較！但係我個感覺非常唔好，覺得佢做生意唔太老實，點解佢唔建議我用返「欖角陳

說真的，換了股東之後，各方面都非常理想。由房間預訂及菜單安排都非常順暢，過程中亦沒有硬銷任何食品，感覺舒服。羊腩煲、生炒糯米飯、福建炒飯、牛筋腩煲，甚至小吃如炸魚皮、椒鹽白飯魚等都非常出色；不得不提的是乳豬全體做得非常好及性價比高。環境簡潔，最重要是洗手間通道及內部一如以往非常清潔。性價比還好像比以前高些。員工們非常有禮貌，服務也挺貼心的，出其不意來過熄燈生日蛋糕進場儀式，家人都非常盡興開心。以後將視它為飯堂。

今日有朋友邀請我去灣仔粵珍食晚餐，聽說總廚是名廚，很多名人為他而來。今晚一試，果然非一般粵菜，蒜片牛肉粒，牛肉入口即溶，蒜片非常香脆，簡直係Perfect match. 另外燒乳豬，我本來就覺得應該同其他地方一樣，因為每次我食乳豬都覺得又油又唔夠脆。但今次粵珍令我完全改變了對燒乳豬的口感，脆香而且皮薄，完全冇嗰種食完就覺得好肥膩嘅感覺，食完仲繼續想再食。懷舊芝麻卷（又名菲林）入口有好濃嘅芝麻味又淋滑，值得一試。

聽閒這間中菜館是合作很久的團隊，只是換了老闆，才剛剛開業不久。剛好在灣仔附近做嘢，所以一家人來試試。感覺物有所值。我們先叫了壺”人蔘烏龍”，清新的茶味很特別，好似很少見呢隻茶。第一度菜先食”鮮螺頭去皮雞燉海虎翅”。賣相已經不得了，食慾大增。味道剛剛好，份量十分足，材料新鮮，作為第一個菜，真的很不錯。之後連叫了兩款魚”菜遠炒斑球” 和”陳皮絲蒸斑頭腩”，因為一家都是好魚之人，兩樣都各有千秋，但整體都是水準之作，用料認真不馬虎。之後有”豉椒味菜炒大連鮮鮑片”，喜歡濃味的應該幾喜歡這道，味菜令整件事提升左一個層次，當然要將味菜處理得好先可以。去到甜品，每人都有自己嘅口味，但這裡有一些傳統的選擇，如”菲林卷”，真的是很多人以前的回憶，但今次食唔落了，只是叫了”紅棗雪耳燉萬壽果糖水” 和”紅棗糕”，下次絕對會留肚試多兩款。甜品絕對不會比下去，處理到位，整晚沒有高低起伏得很大的感覺，就是平穩之中，會有細節，只要對食物有要求的人，自然會明白我的意思。期待下次再試其他菜式。

經過上星期晚上第一次來過後，大家都覺得粵珍確實很不錯。經過商量後，今天一行14人，中午過來換換味道，試試粵珍的點心，結果也是沒有讓大家失望。這裡除了供應很多傳統點心之外，還有很多已經失傳已久的味道。除了點心，我們也加了乳豬全體，炸子雞和粉葛鯪魚豬踭湯。粉葛鯪魚豬踭蕩，湯料十分充足，不單味道鮮美，因為豬踭有很多膠原蛋白，女士們把裡面的豬踭都全部吃光。我們下午一點鐘過來，在V2房邊吃邊聊天，不知不覺地也吃了兩個多小時。