Video
Read full review
2020-10-26
565 views
呢日同同事出旺角食飯，之前經過「長阪燒」樓下見到二拉架介紹有特價壽司，好似好抵食，所以就決定去試下。餐廳要坐𨋢去二樓，一出𨋢嗰下嚇親😳，因為環境非常好！首先餐廳面積幾大，坐位唔少，右邊係窗口卡位座，好似包箱咁；中間就有吧枱位，雖然望唔到師傅整嘢，但氣氛氣派一流，又坐得闊落👍。一坐低無耐店員就為我哋送上熱茶🍵及餐牌，午市套餐選擇豐富，有熟食同刺身丼飯等，免收加一服務費！另外，餐廳仲有一個特價餐牌，每日12點至18點嗌指定食物可享半價優惠🔥。我哋大家都想食魚生，所以無嗌熟食，嗌咗一份午餐同散叫壽司小食。留意番呢度嘅壽司飯應該係落咗赤醋🍚，所以呈啡啡哋色，味道偏酸少少，我自己就幾歡喜。午市套餐奉送麵豉湯、是日小食同和風沙律，全部賣相都靚靚仔仔☺️；是日小食係麻醬豆腐。長板燒三重奏($158)，依份丼飯餐不得了，造型勁吸引😍。三個迷你丼飯鋪面嘅刺身勁澎湃，而且三杯嘅款式各有唔同。第一款係蔥粒吞拿魚蓉；第二款嘅三式刺身包括帶子、三文魚同油甘魚，三樣都係厚切兼大塊，好足料。三個迷你丼飯加埋嘅飯量同餸量一啲都唔少！而我個人最鍾意嘅就係海膽併三文魚子，三文魚子大大粒，一咬開爆哂漿，每啖嘅口感都好正好滿足
首先餐廳面積幾大，坐位唔少，右邊係窗口卡位座，好似包箱咁；中間就有吧枱位，雖然望唔到師傅整嘢，但氣氛氣派一流，又坐得闊落👍。
一坐低無耐店員就為我哋送上熱茶🍵及餐牌，午市套餐選擇豐富，有熟食同刺身丼飯等，免收加一服務費！另外，餐廳仲有一個特價餐牌，每日12點至18點嗌指定食物可享半價優惠🔥。
我哋大家都想食魚生，所以無嗌熟食，嗌咗一份午餐同散叫壽司小食。留意番呢度嘅壽司飯應該係落咗赤醋🍚，所以呈啡啡哋色，味道偏酸少少，我自己就幾歡喜。
午市套餐奉送麵豉湯、是日小食同和風沙律，全部賣相都靚靚仔仔☺️；是日小食係麻醬豆腐。
長板燒三重奏
$158
26 views
0 likes
0 comments
而我個人最鍾意嘅就係海膽併三文魚子，三文魚子大大粒，一咬開爆哂漿，每啖嘅口感都好正好滿足😋！配合埋海膽食無論視覺定味覺都係咁享受。
我哋另外仲嗌咗五款壽司🍣，(圖上左至右下)包括一件藍鮨拖羅($32)、兩件劍魚腩($18)、兩件油甘魚($22)、兩件蒲燒鰻魚($28)同兩件日本芝士蟹棒($22)。整體味道唔錯，比較有驚喜嘅係劍魚腩，口感幾爽口；蟹棒嘅芝士亦都燒得香口。
蔥粒吞拿魚蓉小卷($18)，🍙小卷其實不太小哈哈。紫菜包住呑拿魚蓉食好夾，但如果塊紫菜脆啲會更佳。
蜆肉麵豉湯
$22
12 views
0 likes
0 comments
茶碗蒸($18)，蒸蛋味道就正正常常啦🥚，餡料有冬菇、雞肉同蝦。
由於我哋食午餐所以無嗌到酒，但眼見住大大瓶嘅梅酒好吸引，超級想飲🍶！
總括嚟講，長板燒確係幾高質，食物味道中上，不過環境就比好多廚師發辦店更靚、更舒服✨。店員們服務亦都優秀，全部醒醒目目，提供嘅協助到位。再者，呢度嘅性價比相當高，連鎖店嘅價錢，但成個體驗完全唔同，值得一試🎌。
Post
