Video
Read full review
2021-08-04
302 views
今日同朋友仔去試食呢間餐廳，無論係環境味道服務態度同衛生都十分令人滿意。真係要特燈出篇文來讚一讚！環境方面，地方十分闊落，靠牆有梳化位，一啲都唔會逼逼夾，牆上有黑板，並且寫上各色菜餚，又可以做裝飾又可以比客人見到招牌食物！另外一面牆就擺住好多裝住藥材既罐罐同魚翅，好得意🤣食物方面，我地雖然2個女仔但係都叫得幾多野食，冇諗過佢每份野都好大份，而且味道都好好添！魚湯鮮辣大龍躉🐟 $238呢個係招牌菜，魚湯鮮甜，有少少辣同酸，好開胃。最特別係佢同其他酸菜魚唔同，係一整條魚咁上，唔係切到一片片咁，所以賣相相當吸引。魚肉就好嫩滑，同埋完全唔會腥，雖然我地叫左細份但係條魚都好大條。另外配菜方面仲有芫荽、炸蒜等等，個底仲有粉皮，超級足料，我地覺得剩係呢個菜都已經夠2個人食！蒜泥白肉🥓 $68出面食既蒜泥白肉上面啲蒜都會係一粒粒，但係呢個蒜泥就磨到好幼細，更好咁包裹住每一片肉，最重要係呢個蒜泥食完完全唔會口臭，連我呢個平時少食肥肉既人都忍唔住食多左兩塊，讚讚！黑磚豆腐🧈 $18/1呢個賣相似長沙臭豆腐，但係一啲都唔臭，外皮脆卜卜，裡面卻係滑溜溜既白豆腐，不過食呢個既時候一定要小心燙傷，因為裡面豆腐仲係
環境方面，地方十分闊落，靠牆有梳化位，一啲都唔會逼逼夾，牆上有黑板，並且寫上各色菜餚，又可以做裝飾又可以比客人見到招牌食物！另外一面牆就擺住好多裝住藥材既罐罐同魚翅，好得意🤣
食物方面，我地雖然2個女仔但係都叫得幾多野食，冇諗過佢每份野都好大份，而且味道都好好添！
魚湯鮮辣大龍躉🐟 $238
呢個係招牌菜，魚湯鮮甜，有少少辣同酸，好開胃。最特別係佢同其他酸菜魚唔同，係一整條魚咁上，唔係切到一片片咁，所以賣相相當吸引。魚肉就好嫩滑，同埋完全唔會腥，雖然我地叫左細份但係條魚都好大條。另外配菜方面仲有芫荽、炸蒜等等，個底仲有粉皮，超級足料，我地覺得剩係呢個菜都已經夠2個人食！
蒜泥白肉🥓 $68
出面食既蒜泥白肉上面啲蒜都會係一粒粒，但係呢個蒜泥就磨到好幼細，更好咁包裹住每一片肉，最重要係呢個蒜泥食完完全唔會口臭，連我呢個平時少食肥肉既人都忍唔住食多左兩塊，讚讚！
黑磚豆腐🧈 $18/1
呢個賣相似長沙臭豆腐，但係一啲都唔臭，外皮脆卜卜，裡面卻係滑溜溜既白豆腐，不過食呢個既時候一定要小心燙傷，因為裡面豆腐仲係好熱架～
鮮波羅芥末蝦球🍤 $148
呢個係十分驚喜，蝦球好大個，蝦肉新鮮彈牙，而且外層醬汁酸酸甜甜好開胃，令整個菜唔至於太膩。蝦球下面仲有一粒粒波羅，好甜好juicy，最後我地忍唔住連所有配菜波羅都食曬😝
啫啫生菜🥬 $78
呢個生菜都好解膩又夠鑊氣，雖然唔係好顯眼但係一碟不可缺少既素菜。
桂花烏龍 🍵
呢壺茶超解膩，而且都淡淡既桂花香，食完上面啲食物有啲滯，飲一啖即刻順暢曬～
最後，不得不讚佢地服務態度，無論係經理定其他員工都超級有禮貌，熱情咁招呼我地，又會問我地味道如何，入座既時候又會事先幫我地清洗好餐具，就憑呢份細心就值得比一個大大的讚👍🏻一定會再encore呀！
11 views
0 likes
0 comments
11 views
0 likes
0 comments
11 views
0 likes
0 comments
5 views
0 likes
0 comments
8 views
0 likes
0 comments
44 views
0 likes
0 comments
6 views
0 likes
0 comments
16 views
0 likes
0 comments
Post
