四面泰泰式火鍋

Open Now

Now Closed

首先講下個湯底，我叫咗個鴛鴦鍋，一邊係椰子雞湯另一邊係竹笙牛板腱湯，用嘅係真材實料，鮮甜香濃好好味，重點係可以無限加靚湯飲，啱曬平時冇時間煲湯嘅朋友。牛板腱好新鮮，口感非常好，我放落爐到烚咗好耐口感都非常嫩滑，真係好味。牛丸仲會爆汁，同埋好爽口。泰式蝦餅好好厚身炸到好鬆脆，又夠彈牙。基本佢哋嘅食材全部都好新鮮，最後飲埋個蝶豆花青檸梳打，好清新。呢間食物質素好新鮮，環境舒服乾淨，每樣醬汁湯底都會有人同你詳細講解，服務真係好好。