南亭 (凱譽)

Open Now

Now Closed

環境ok，地方大過跑馬地，坐得舒服啲，不過燈光有少少昏暗，係有懷舊居酒屋嘅感覺，整體都可以🍶串燒好好食，我地去親，食食下都食好多野，每次都滿載而歸hhh，我特別推薦雞翼、白鱔、牛舌、羊架、鹽燒牛小排、蘆筍豚肉卷。燒雞翼外脆內嫩多汁。白鱔幾新鮮，塊皮香脆可口，鱔肉彈牙，燒牛舌好香好淋，爺爺都食到。個牛小排真係好香好淋，油脂分布得好均勻，一啲都唔韌，一塊接一塊，好好食。蘆筍豚肉卷，新鮮嘅蘆筍同香口嘅豬肉都係絕配！口感層次豐富，食落唔會好膩，幾清新，真係好好食🤣個雞軟骨都好好食，好酥脆香口，鹹淡啱啱好，真係一粒接着一粒，自己都食咗三串。另外個羊架大大件，好香，一黎到都忍唔住咬咗啖先打卡🤣外層燒到微脆，充滿烤肉嘅香味，入面就保持嫩口多汁，口感豐富好食！😋除左野食，服務態度親切友好，員工好nice，樂於解答問題，服務效率高，佢地會主動關心我地嘅需求，令我地成個用餐體驗愉快，小朋友佢地好開心，以後會再黎！