麵屋一燈 (Closed)

被譽為東京No.1麵店的一燈位於LCX，係第三間海外分店。雖然店外要排隊入座，但入座前落單加快了整個流程速度，大概十分鐘入座。👍🏻店內非常簡潔，淺木色配水泥灰。帶點禪意，環境闊落非常舒服。如果好彩坐到窗口位，仲可以一邊食麵一邊欣賞到維港既海景/夜景！上菜時店員好細心，會為客人講解食法。總括而言，環境同食物質素都幾高質，所以價錢都會比一般拉麵店貴🙈．🔸特製濃厚魚介沾麵 $168湯底夠哂濃厚，鐘意重口味既你一定岩哂！麵條較粗身，浸落湯2-3秒就食得。一冷一熱，麵身幾黏湯。湯料十足，仲有2粒肉丸，有啲雞軟骨粒粒，幾有嚼勁。比起同款既另外兩碗沾麵，依碗會有一隻溏心蛋同多兩片肉。依到既叉燒係慢煮煮成的，較薄身，好嫩滑好林身。除左豬肉，仲有雞肉，食落口感似配沙律個啲火腿。食哂碗麵，仲可以倒返清湯落魚介汁到當湯飲，夠哂滿足！．🔸味玉芳醇鹽味拉麵 $138拉麵屬於幼身，配啖湯底一齊食，好食。溏心蛋中間既蛋黃咬落去有黏牙既口感。鹽味湯底除了有鹽鹹之外，唔算突出。除非想吃得相對淡味一啲，否則推薦魚介湯底。．by VIN環境分數: 10/10食物分數: 9/10