Video
Read full review
2024-11-12
0 views
約咗朋友喺九龍灣德福睇戲，所以約咗喺對面間牧羊少年食飯，方便就腳 。一食完可以飛去對面睇戲 。今次叫咗個<與你分享二人餐> 🤣。一個二人餐有一個前菜，一個意粉，一個主菜，兩個甜品同兩杯嘢飲。一黎先上2杯飲品🍸 溫煮桂花黑糖茶（熱）同牧羊少年【浪人】手工生啤桂花黑糖茶，桂花味勁出，好似食緊桂花糕一樣，黑糖茶都唔會太甜，好岩女士飲 。另一杯係手工啤，唔重麥味，清爽易入口 。配埋前菜飲，又係絕配！前菜🥦# 日式唐揚一口炸雞 🍗配 芥末蛋黃醬首先一口炸雞係即炸，熱辣辣上枱，配埋芥末蛋黃醬，芥末味好突出，食落超級惹味，我哋兩個人就好快已經清碟 。意粉🍝# 蝦頭油鳳尾蝦香辣肉碎意大利粉意粉炒到乾身，感覺都唔辣，鳳尾蝦大隻，而且爽口彈牙 。眼見隔黎有幾枱都係會叫呢個黎食，不錯👍🏻主菜🦴#咖啡羊架 伴 露絲瑪利燒汁及烤澳洲西蘭花同日本南瓜咖啡羊架肉質幼嫩，生熟程度煮到岩岩好，唔重羊臊味，再配上佢地既燒汁，味道岩岩好😋另外，佢仲配左西蘭花同烤左既南瓜，日本南瓜🎃真係無得輸，烤到好軟熟，連皮食都無問題，好香南瓜味仲自帶點少甜 。最後甜品其中一個加錢轉左焙茶心太軟蛋糕 配雪糕，一個就Haag
約咗朋友喺九龍灣德福睇戲，所以約咗喺對面間牧羊少年食飯，方便就腳 。一食完可以飛去對面睇戲 。今次叫咗個<與你分享二人餐> 🤣。一個二人餐有一個前菜，一個意粉，一個主菜，兩個甜品同兩杯嘢飲。
一黎先上2杯飲品🍸 溫煮桂花黑糖茶（熱）同牧羊少年【浪人】手工生啤
桂花黑糖茶，桂花味勁出，好似食緊桂花糕一樣，黑糖茶都唔會太甜，好岩女士飲 。另一杯係手工啤，唔重麥味，清爽易入口 。配埋前菜飲，又係絕配！
前菜🥦# 日式唐揚一口炸雞 🍗配 芥末蛋黃醬首先一口炸雞係即炸，熱辣辣上枱，配埋芥末蛋黃醬，芥末味好突出，食落超級惹味，我哋兩個人就好快已經清碟 。
意粉🍝# 蝦頭油鳳尾蝦香辣肉碎意大利粉意粉炒到乾身，感覺都唔辣，鳳尾蝦大隻，而且爽口彈牙 。眼見隔黎有幾枱都係會叫呢個黎食，不錯👍🏻
主菜🦴#咖啡羊架 伴 露絲瑪利燒汁及烤澳洲西蘭花同日本南瓜咖啡羊架肉質幼嫩，生熟程度煮到岩岩好，唔重羊臊味，再配上佢地既燒汁，味道岩岩好😋
另外，佢仲配左西蘭花同烤左既南瓜，日本南瓜🎃真係無得輸，烤到好軟熟，連皮食都無問題，好香南瓜味仲自帶點少甜 。
最後甜品其中一個加錢轉左焙茶心太軟蛋糕 配雪糕，一個就Haagen-Dazs 雪糕杯 。焙茶心太軟外層鬆軟，食到淡淡焙茶香味，內裡有流心朱古力，甜度岩岩好 ，仲配左球焦糖脆餅雪糕 。又凍又熱，冰火交融🤭另一個Haagen-Dazs 雪糕杯唔駛多講，唔會有失望空間 。留意返心太軟製作需時約15分鐘，要預時間等下 。
二人餐係$428，計埋加一同甜品加錢，埋單都係$567，算係咁上下。餐廳環境唔錯，而且係位置於九龍灣德福戲院對面，無論睇戲前或後，都係好岩食飯撐枱腳地方 👍🏻
📍牧羊少年九龍灣偉業街33號德福廣場1期平台P26號舖
#hkfoodie #foodiehk #foodie #hkfoodstagram #hkfoodblogger #food #foodstagram #foodblogger #instafoodie #foodporn #香港美食 #香港必食 #香港探店 #香港打卡 #香港旅遊 #香港必喝 #香港好去處 #假日好去處 #搵食好去處 #九龍灣搵食 #九龍灣美食 #Cafe
Post
