Video
Read full review
2017-01-10
320 views
2017 年剛開始，約左個好朋友出黎食晚飯，亂咁講下大家新一年有咩大計。上open rice 一碌，見M1 好評都有唔少，朋友又鍾意飲cocktail，地點又方便我地搭車，一於打去訂個table for two先。香煎北海道帶子藜麥沙律芥茉籽蜜糖汁 $138原粒帶子底面略煎，依然保持鮮甜，厚肉又好味。中間有一片新鮮無花果，上面有少少皇帝菜，底下的藜麥混合了黑醋汁同埋青蘋果粒，酸酸甜甜配搭剛剛好，而且食材新鮮，推介呀。龍蝦干邑海鮮濃湯$128龍蝦湯一上枱，就咁睇賣相以為佢係普通酥皮湯，咁諗就大錯特錯啦。一問之下，原來佢地用左個農夫包做湯碗，將龍蝦拆肉切粒放入龍蝦湯內，唔怪得每一啖湯都有香濃的龍蝦香味，足料而且啖啖肉，飲完個湯，跟手再食埋農夫包先，吸收左龍蝦湯的麵包好好味，外層仲係脆卜卜，超級正。鮮茄蘑菇芝士焗田螺$78平時的焗田螺都係用薯蓉托底，再原粒連殻上碟，呢度個廚師好細心，每粒田螺已經拆殻，田螺肉放上原粒蘑菇上面，加上 Mozzarella 芝士同埋鮮茄醬一齊烤焗，芝士焗至焦香，感覺唔油膩，反而帶一點清新。其實細食的女仔，每人一個我重點推介的龍蝦湯再加帶子沙律，同埋一個小吃其實都已
香煎北海道帶子藜麥沙律芥茉籽蜜糖汁 $138原粒帶子底面略煎，依然保持鮮甜，厚肉又好味。中間有一片新鮮無花果，上面有少少皇帝菜，底下的藜麥混合了黑醋汁同埋青蘋果粒，酸酸甜甜配搭剛剛好，而且食材新鮮，推介呀。
龍蝦干邑海鮮濃湯$128龍蝦湯一上枱，就咁睇賣相以為佢係普通酥皮湯，咁諗就大錯特錯啦。一問之下，原來佢地用左個農夫包做湯碗，將龍蝦拆肉切粒放入龍蝦湯內，唔怪得每一啖湯都有香濃的龍蝦香味，足料而且啖啖肉，飲完個湯，跟手再食埋農夫包先，吸收左龍蝦湯的麵包好好味，外層仲係脆卜卜，超級正。
鮮茄蘑菇芝士焗田螺$78平時的焗田螺都係用薯蓉托底，再原粒連殻上碟，呢度個廚師好細心，每粒田螺已經拆殻，田螺肉放上原粒蘑菇上面，加上 Mozzarella 芝士同埋鮮茄醬一齊烤焗，芝士焗至焦香，感覺唔油膩，反而帶一點清新。
其實細食的女仔，每人一個我重點推介的龍蝦湯再加帶子沙律，同埋一個小吃其實都已經夠。但因為個湯我地share 黎飲，所以要order 返個主食先夠飽，睇睇個餐牌選擇都唔少喎，有pizza 、mini burger、炒飯、意粒仲有長通粉、天使麵、扁意粉等等。我地叫左個黑松露鮮蝦露荀芝士炒飯 $108 ，由於我掛住食，都無細心影個炒飯有咩材料。面頭加了大量的蟹子同埋香䓤，每啖飯都有卜卜脆的蟹子 同埋松露的香味，鮮蝦亦都係大大粒的，新鮮彈牙絕無雪藏味。
朋友想飲杯有荔枝味的cocktail，bar tender 專登tailor made 一杯比佢，好鬼有heart。而我因為長期都不勝酒力，只係點左一杯鮮橙汁。
9點幾左右，原來會有駐場 live band 坐陣，好有氣氛。以前以為飲酒的地方都係食薯條同雞亦呢啲簡單小食，估唔到 M1 酒吧的食物可以做到咁好味，落足心思。
下次我要再黎試下佢個mini burger combo，好吸引架， 有帶子啦、泡菜燒雞同埋Angus Beef，就咁睇個配搭已經流晒口水。
Post
