Video
Read full review
2010-08-21
3 views
好耐無約高中同學，佢地話要約吓喎，而我最得閒，所以就由我來約。朋友提議試南燒北鍋，我無咩所謂，加上我地只得三個人，好易compromise。我是最早到的，朋友們例遲，我都已經慣了。坐下來邊看menu邊等。食物種類都幾多，湯底也有七至八款。也有很多海鮮以供選擇。價錢屬中價，合理的。其中一位朋友要遲一粒鐘先到，我和另一位於是邊食邊等。要了芫茜皮蛋湯底。皮蛋不少。芫茜真係下得好多，不過奇怪就是，芫茜味竟然唔濃。食材：黑柏葉：不能不給個「差」字，好韌，即使只係淥一淥都韌到咬唔到豬頸肉：新鮮，也切得幾厚，爽口，食落唔覺太肥腐竹：好淋，唔可以「放逐」佢喺湯內不停滾，如果唔係就會變成腐竹湯水咁碎三寶丸：好食，有蝦丸、墨丸同豬肉丸，全部新鮮手打，非常彈牙蔬菜碗：原本見人地嗰d係有粟米、金菇嗰隻，點知叫錯咗，所以成碗都係綠色菜，菜心、皇帝菜、西生菜，全都好新鮮生根：我一向都唔好呢樣野，好肥，不過友人食咗好多梅菜豬肉丸：其實三寶丸裡面已經有，我唔知才劃多一碟，都好彈牙，但梅菜味不是太濃金菇：一般貨色啦，唔會太韌魚旦拼片頭：雖然兩者都爽口彈牙，但魚旦好過片頭，較鮮餃子拼盤：呢個好正，咩餃都可以試到。有菜肉餃
朋友提議試南燒北鍋，我無咩所謂，加上我地只得三個人，好易compromise。
我是最早到的，朋友們例遲，我都已經慣了。
坐下來邊看menu邊等。食物種類都幾多，湯底也有七至八款。
也有很多海鮮以供選擇。價錢屬中價，合理的。
其中一位朋友要遲一粒鐘先到，我和另一位於是邊食邊等。
要了芫茜皮蛋湯底。
皮蛋不少。芫茜真係下得好多，不過奇怪就是，芫茜味竟然唔濃。
食材：
黑柏葉：不能不給個「差」字，好韌，即使只係淥一淥都韌到咬唔到
豬頸肉：新鮮，也切得幾厚，爽口，食落唔覺太肥
腐竹：好淋，唔可以「放逐」佢喺湯內不停滾，如果唔係就會變成腐竹湯水咁碎
三寶丸：好食，有蝦丸、墨丸同豬肉丸，全部新鮮手打，非常彈牙
蔬菜碗：原本見人地嗰d係有粟米、金菇嗰隻，點知叫錯咗，所以成碗都係綠色菜，菜心、皇帝菜、西生菜，全都好新鮮
生根：我一向都唔好呢樣野，好肥，不過友人食咗好多
梅菜豬肉丸：其實三寶丸裡面已經有，我唔知才劃多一碟，都好彈牙，但梅菜味不是太濃
金菇：一般貨色啦，唔會太韌
魚旦拼片頭：雖然兩者都爽口彈牙，但魚旦好過片頭，較鮮
餃子拼盤：呢個好正，咩餃都可以試到。有菜肉餃、魚皮餃、雲吞同水餃。雲吞好多蝦，蝦多過豬肉好多，蝦肉好爽；水餃同雲吞一樣多蝦，仲多埋木耳絲；菜肉餃個餃皮好滑，菜肉餡比例均勻，
芋絲：質素比在超市買到的好，好彈牙，又易咬
竹蔗茅根水：非常足味，很濃，也不是只有甜味。
甜品：砵仔糕，味道好怪，只吃了一啖
服務很好，服務員很有禮貌，會主動撇油夠細心，讚！
環境也很好，坐得好舒服，冷氣充足！
埋單六百幾，OR coupon, 平咗$150，每人最後只需$170，幾抵食。
Post