XOXO Café Lab (Closed)

與朋友係淘大睇完早場, 又係食LUNCH, 發現XOXO CAFÉ原來都SET LUNCH而且價錢又唔貴, 大約2點鐘都坐滿9成, 好彩仲有枱。侍應見我地都拎住一袋二袋,安排左4人枱比我地, 好讓我地唔會咁論盡。每次入黎都會比餐廳的精緻的裝修吸引, 亦係大家不斷拍照的時候, 今次坐近門口位置, 好開揚。睇下SET LUNCH先, 選擇算多而且價錢相宜。最後我地揀左兩個餐SHARE, 之前係餐廳門口見到食LUNCH SET有日本啫喱送。所以點選了 :1)紅燒排骨湯麵 $64 (送一杯餐飲, 除了基本咖啡奶茶檸茶檸水, 竟然可以揀特飲珍珠奶茶,當然揀啦)2)韓燒肉汁烤牛肋骨 $118 (我地都係食肉獸…)珍珠奶茶奶茶好滑, 甜度適中, 估唔到咁高水準。紅燒排骨湯麵共有4件排骨, 排骨炆得好淋, 能夠入味 ! 麵身夠彈牙, 而且份量好多, 湯底味道是較濃, 但我可以接受韓燒肉汁烤牛肋骨價錢比起套餐係貴, 但一D都唔馬虎 ! 數一數共有8塊牛肋骨, 仲有秋葵, 洋蔥, 車厘茄, 份量好足夠2個人食，還有一碗麵鼓湯。牛肋骨鐵板上, 能保持熱度, 而且牛肋骨經燒汁煎過, 好香口，肉質夠爽，味道一流