鄧記川菜

Open Now

Now Closed

黎到位於尖沙咀 K11 Musea，商場設計非常特別及高端，當中各種食肆林立，今次揀左幾間餐廳都心大心細，經過鄧記川菜門口被環境及菜單吸引入去。Menu 都算多元化，菜式非常正宗傳統，當日挺多人用餐，所以無緣坐海景位置。同知心好友約會，點選了不少吸引菜式，整體非常出色，菜式實而不華，正宗傳統，簡單但呈現到高級中菜感。花膠高湯濃郁，花膠大大片，食得出真材實料，不比高級粵菜餐廳輸蝕。川味口水雞醬汁非常惹味正宗，濃稠度恰到好處，麻麻辣辣，非常惹味，一流！雜醬麵 及 成都擔擔麵簡單又正宗，雜醬較大碗，擔擔麵較細碗，成都風味全融入麵中，個人會較喜歡擔擔麵，將雜醬麵比了下去。糖醋里脊肉用料的確新鮮，廚師工藝 做到醬同原料非常分明，酸甜度適中，可比美高級粵菜。泡椒蒜香焗龍蝦喜出望外菜式，食慣蒜蓉蒸，芝士等配搭，第一次嘗試泡椒，比預想中更配搭，味道不會過度濃厚，但層次豐富，不太辣但夠惹味。糖不甩上菜時仍然帶有溫度，外脆內軟，能夠保持微溫的口感煙韌，黑糖不會太多，食落較優雅而不膩！