Pom's Kitchen & Deli (Moved) New Location

放工趁有堂食嗱嗱臨食個tea。本來只係想食件蛋糕，但見到鵝肝都係忍唔到口😋。🍾牛油白酒燴鮮大蜆 $98大蜆厚肉鮮美而且肉質彈牙，仲又帶好濃海水味。醬汁酒香唔濃，反而好重蒜重。🥪香煎法式鵝肝多士 $98呢個價位真係超晒班。鵝肝夠肥美，而且煎得啱啱好。表面煎得好香，但裏面好juicy。黑醋汁份量落得夠輕手，唔會遮蓋咗鵝肝嘅味道。🍰芒果熱情果慕絲蛋糕（下午茶餐）$36芒果同熱情果嘅味道blend得好好，加埋味道好清新。慕絲口感幼滑。