大戶屋

Open Now

Now Closed

今日試咗鹽蔥汁燒雞扒定食 ; 及 燒生薑醬油牛舌定食， 鹽蔥汁雞扒，汁就冇問題，今日個雞扒送到來嘅時候係唔夠熱， 食物唔熱邊度好食㗎！！！ 新開張緣故都唔係話咁多人，八點鐘到達全間餐廳 ，手指都數得出得14個客人，大部份已經食緊， 得我這枱落柯打， 都竟然食物係唔夠熱，仲要等咁耐😵😵😵 。之前，舊餐牌食嗰個鹽燒牛舌呢係好好味！改咗餐牌唯有試下呢個，燒生薑醬油牛舌定食， 牛舌下低就放咗啲洋蔥， 咬一口牛舌，竟然係甜牛舌， 第二次 試下點個醬汁，醬汁都可以味道，但係牛舌已醃時候，落太多糖，帶有重甜味 。不適合個人口味。 都係之前舊個餐牌鹽燒牛舌惹味正常啲 。 又唔知咩原因嗰啲配菜，係乾爭爭，沒有加醋醃製過淡而無味， 食乾椰菜，一樣， 重未改善到 。發現洗碗，唔係咁乾淨，有少少油漬，同埋有啲飯粒仍然黐住碗邊，要注意衛生，要注意衛生啲 。 中環埋單需要自己出去收銀處付款， 就唔似得銅鑼灣分店買單嘅時候佢會將張單送嚟你枱度 。 盼望快啲改善到食物質素 。另外，某些坐位置有射燈照射非常之熱冷氣不夠，有些座位置超級凍 。