兩合海鮮火鍋飯店

Open Now

Now Closed

今晚一行3人，同其中一個老友慶生，知道佢鐘意食鑊氣野，就揀左呢間好耐冇去，位於紅磡街市樓上既大排檔。約好左壽星仔八點，不過佢通常遲一個鐘，但今日佢竟然八點準時到達，上到去已經全場爆滿，等左15分鐘就有位，一坐底即刻叫左支啤酒先再揀菜，朋友鐘意飲西湖牛肉羹，但姐姐話今日衹有老火湯~粉葛鯪魚，冇湯羹，所以我地冇點到。鹵水拼盤:有大腸，紅腸，豬耳，墨魚……味道普普通通，冇乜鹵水香味。紅燒乳鴿:皮脆肉嫩，炸得啱啱好，不會太油膩。辣子雞:朋友推介必食，少少辣，好惹味，雞件炸得香脆。通菜炒牛肉:個樣好得，好夠鑊氣，點知原來得個樣，菜同牛肉都超咸。手撕雞:以前食過，好掛住，但今次有D唔同，加左豆辦醬去撈，味道反而冇以前咁好-3個人食左5個菜，飽到上心口了。食完吹多陣就散水了。今次重來，感覺菜式味道退步了。