Video
Read full review
2023-03-26
60 views
之前睇報道介紹見到有日本北木島🇯🇵直送嘅生蠔任食，地址仲要喺中環，我即刻打電話去訂枱☎️今日我同朋友選擇咗《90分鐘任食鐵板烤牡蠣帆立貝 》$498/位餐廳採用手機落單📱方便又快捷。點餐無耐，一盤精美嘅九宮格就送到面前📸呢個放題包括九款前菜，有主打嘅生蠔🦪配啫喱、香蔥及蘿蔔蓉、天婦羅紫蘇葉吞拿魚蓉、象拔蚌刺身、天婦羅秋葵等。當中最有驚喜嘅係「喜多嬉牡蠣茶漬飯」🍵同「手工月見燒鳥串」🍡「喜多嬉牡蠣茶漬飯」🍵外貌一般，綠綠地色，我都有少少懷疑，不過細細啖放入口之後就發現完全唔簡單！濃郁嘅蠔味，鮮甜無比嘅湯汁，加上蠔肉碎，組合成一道令人食得津津有味嘅茶漬飯😋「手工月見燒鳥丸」🍡 免治雞肉混入少許雞軟骨，令口感更加有層次。燒汁甜甜地，可配以日本新鮮雞蛋一齊食，味道更香更滑。放題有兩款生蠔🦪可以選擇：🦪燒牡蠣 - 生蠔隻色隻脹卜卜，爽脆又多汁，焗至半生熟，鮮甜美味。🦪牡蠣刺身 - 每隻都有起碼三吋長。淡淡海水味，唔會太鹹，配以微酸啫喱、香蔥同蘿蔔蓉，我一個人都食咗成打， 十分滿足！✨有另一隱藏食法，就係點「牡蠣刺身」嘅時候，揀「走」嗰三款配料，咁就變成純生蠔🦪啦！可以品嘗生蠔嘅純天然味道！除咗生蠔
今日我同朋友選擇咗《90分鐘任食鐵板烤牡蠣帆立貝 》$498/位
餐廳採用手機落單📱方便又快捷。
點餐無耐，一盤精美嘅九宮格就送到面前📸呢個放題包括九款前菜，有主打嘅生蠔🦪配啫喱、香蔥及蘿蔔蓉、天婦羅紫蘇葉吞拿魚蓉、象拔蚌刺身、天婦羅秋葵等。當中最有驚喜嘅係「喜多嬉牡蠣茶漬飯」🍵同「手工月見燒鳥串」🍡
「喜多嬉牡蠣茶漬飯」🍵外貌一般，綠綠地色，我都有少少懷疑，不過細細啖放入口之後就發現完全唔簡單！濃郁嘅蠔味，鮮甜無比嘅湯汁，加上蠔肉碎，組合成一道令人食得津津有味嘅茶漬飯😋
「手工月見燒鳥丸」🍡 免治雞肉混入少許雞軟骨，令口感更加有層次。燒汁甜甜地，可配以日本新鮮雞蛋一齊食，味道更香更滑。
放題有兩款生蠔🦪可以選擇：
🦪燒牡蠣 - 生蠔隻色隻脹卜卜，爽脆又多汁，焗至半生熟，鮮甜美味。
🦪牡蠣刺身 - 每隻都有起碼三吋長。淡淡海水味，唔會太鹹，配以微酸啫喱、香蔥同蘿蔔蓉，我一個人都食咗成打， 十分滿足！
✨有另一隱藏食法，就係點「牡蠣刺身」嘅時候，揀「走」嗰三款配料，咁就變成純生蠔🦪啦！可以品嘗生蠔嘅純天然味道！
除咗生蠔之外，串燒亦做得好出色。每串都係即叫即燒，帶有焦香，外脆內嫩。枱面上仲有XO醬、蒜蓉醬、孜然醬及秘製魔鬼辣椒粉可以自行添加。如果食得辣的話，一定要試吓秘製魔鬼辣椒粉🌶️調味粉入口甜甜地，獨特嘅辣味瞬間跟隨，可令肉類串燒更加惹味！
飲品亦包括喺放題入面，有多款自家製冷泡茶及罐裝汽水。我選擇咗白桃烏龍茶，味道清新入口順滑。
我同朋友都食咗好多生蠔🦪臨走先發覺未試過餐廳嘅特色烏冬🥣唯有留返下次再去試吓啦！到時我記住會留定肚仔🤭
九宮格-前菜
2 views
0 likes
0 comments
牡蠣刺身
1 views
0 likes
0 comments
燒牡蠣帆立貝
3 views
0 likes
0 comments
牡蠣刺身
1 views
0 likes
0 comments
Post
