Video
Read full review
2015-08-16
620 views
幫公司做人肉速遞送辦到大角咀, 送完唔洗返公司, 反正今晚一支公, 所以決定食埋晚飯先返屋企.搵左一輪見呢間小店有一人晚餐吃, 而且又係最鍾意既韓式, 一於試下.鋪頭細細, 向住廚房而坐.雖然心目中已有想食既款式, 不過都睇下menu仲有咩其他選擇.最後選擇晚市套餐滷水豬手飯($88), 仲可以揀多兩款前菜.揀左泡菜+涼伴青瓜, 泡菜少少辣, 少少酸, 幾入味. 青瓜唔辣, 好新鮮爽口, 食完好開胃.套餐仲跟埋白飯+飲品, 白飯夠大碗唔夠飲品仲有自助式茶水供應.滷水豬手一黎, 好大碟足料, 滷水味好香. 豬手點左D汁試下, 滷水帶甜, 唔咸, 而且入晒味. 豬手睇落好似好肥, 但食落口一D都唔覺, 肥瘦適中, 而且肥既部份有質感, 唔係一口咬開既肥膏, 類似燻蹄果類型, 非常好味.整體雖然呢間係小店, 但食得出係店主用心去制作美食. 而且門口既凍櫃里放滿各種自家制前菜, 可以比人散買, 非常好!
搵左一輪見呢間小店有一人晚餐吃, 而且又係最鍾意既韓式, 一於試下.
鋪頭細細, 向住廚房而坐.
雖然心目中已有想食既款式, 不過都睇下menu仲有咩其他選擇.
最後選擇晚市套餐滷水豬手飯($88), 仲可以揀多兩款前菜.揀左泡菜+涼伴青瓜, 泡菜少少辣, 少少酸, 幾入味. 青瓜唔辣, 好新鮮爽口, 食完好開胃.
套餐仲跟埋白飯+飲品, 白飯夠大碗
唔夠飲品仲有自助式茶水供應.
滷水豬手一黎, 好大碟足料, 滷水味好香. 豬手點左D汁試下, 滷水帶甜, 唔咸, 而且入晒味. 豬手睇落好似好肥, 但食落口一D都唔覺, 肥瘦適中, 而且肥既部份有質感, 唔係一口咬開既肥膏, 類似燻蹄果類型, 非常好味.
整體雖然呢間係小店, 但食得出係店主用心去制作美食. 而且門口既凍櫃里放滿各種自家制前菜, 可以比人散買, 非常好!
Post
