韓國媽媽 (Moved) New Location

在奧運那邊上班，朋友就相約我在大角咀那邊食晚飯。大家都愛韓食，所以就試了韓國媽媽。據聞，此店的食物都是無味精，少鹽少油，那就試試看了。我跟朋友揀了兩個套餐，每人可自選水菜兩碟，以及有熟食及飲品。我們就揀了兩碟泡菜、甜黑豆及甜番薯。泡菜爽口又充滿辛辣，而且非常入味，好好吃。黑豆就是甜甜地，少少黏笠，容易入口，充滿韓式的小食。而番薯都微甜，又軟身。套餐一：蘿蔔炆牛肋骨白及紅蘿蔔都是炆至軟身，容易入口，而且充滿牛肉汁的味道，非常惹味。牛肋骨炆至軟身，而且肉質不會太散，都頗易入口和咀嚼；幸好較少筋位，可以說是啖啖肉。不過肉味就微淡，可以更加濃味；而且肉香不算重，可以更加香。而它的湯底都算清甜，用來拌飯就最好不過。套餐二：韓式炸雞飯由於是即叫即做，故我都等了三個字的時間。炸雞跟白飯是分開上，而炸雞份量都頗多，炸粉跟雞肉不是分開的，炸粉薄身之外更可以緊貼雞肉，令雞肉更加可口。不過肉味不太重，而且雞肉不算太熱，令到炸物扣左少少分。旁邊是茄醬，跟雞肉一起吃都頗特別，可以增加雞肉味道。幸好，炸雞的油份不多，吃下去又唔會太乾或者太油，都令愛健康的都市人喜愛。對以上小店有興趣，可以在此追蹤此店呀！ 

好耐無去過韓國，搞到個人好想食下韓國野解下思鄉之情。 經過大角咀呢間韓國媽媽就入黎支持一下小店。店內位置不多，都以高椅坐上bar台，充分利用店舖既位置。招牌滷水豬手飯($88)十分值得推介既一款菜色，豬手滷得十分入味，肥肉不但入味而且沒有一點油膩既感覺，食完成碟豬手都唔會覺得十分滯。洋蔥牛肉飯($88)洋蔥十分軟熟入味，可以知道已炆煮左一定既時間，如果快餐式煮法一定十分生，牛肉肉質嫩滑加上甜甜既洋蔥，好岩用黎送飯。韓式炸雞($35)即叫即整，炸得陫皮十分脆雞肉十分嫩滑，肉汁十分多，加上辣醬十分惹味甜黑豆第一次食都幾特別，唔會太硬，口感唔錯，甜薯甜度剛剛好唔會太甜，薯十分淋。泡菜不過不失。最後飲埋罐韓國飲品，成個套餐都幾抵同埋份量多，又係家庭小菜，食唔到有任何味精。

某天下班後，約了朋友去找韓國媽媽，由於對大角咀的路不太熟，都搵一輪才到，中途有諗過打比在這附近工作的老友問路。▲最後還是依靠google map到達韓國媽媽，店鋪比想像中小，大概容納十位客人左右，而我一直都幻想是有個阿珠媽在店鋪，原來是沒有，看來想太多。坐下沒多久，看到有位客人入來！天啊～竟然正正是我中途曾經想打去問路的朋友，原來她有中午晚餐都會在這裡吃的，然後也向我推介了一些食物。▲餐牌比想像中少款式原來店主媽媽是韓國人(聽說)，而且這裡食物是無味精，少鹽少油，就好似媽咪煮飯咁為我地健康，怪不得叫作韓國媽媽呢。我左選右選，選了套餐四號 惹味豬肉飯，而朋友就點了套餐二號 韓式炸雞飯▲然後每人可以自選小菜2款，點了泡菜、炒大豆芽、炒辣茄子、炒韓國魚片。▲套餐四號 - 惹味豬肉飯$88 一大碟橙紅色豬肉，配搭上蔥、泡菜、雜菜、黑淑等，炒豬肉的醬汁調教得相當惹味，辣辣地帶一點甜，送飯食一流，而豬肉的量也相當多而且豬肉蠻嫩口。 ▲套餐二號 - 韓式炸雞飯 $88這個炸雞份量也比相像中多，炸雞的皮不會太厚，我地可以充分食到皮與肉既口感，外脆帶一點煙煙韌韌，肉質都好嫩，旁邊附上的不是什麼特別醬料，

Bel Bel 今次去大角咀搵野食，咁岩俾我經過韓國媽媽，聽個名又幾親切喎。雖然呢間舖仔細細，座位大約 10 個左右，不過見環境都幾乾淨企理，於是就去呢間食晚飯了。呢度的套餐跟一個餸，一碗白飯，兩個拌菜和一罐飲品/海帶湯。他們堅持唔落味精、少盬、少油、少糖，賣相和味道好似韓式住家菜，好好feel丫。餐廳裡的茶、餐具等都是自助的。海帶湯用料十足，好多海帶，也有少少瘦肉，味道清甜。涼拌青瓜少少辣，我不太喜歡大辣的都能夠接受到，而且還有泡菜味，夠晒醒胃！甜黑豆都係第一次食，黑豆稔稔地又有點甜，容易入口。至於我叫的韓式炸雞飯，跟餐的炸雞和飯係分開上，剛送來的時候仲係熱架，我仲親眼睇住店員即叫即做，所以都等了 15 分鐘至有得食。炸雞的份量仲好多，好有誠意，我一個女仔幾乎食唔晒。炸雞係好難絕對無油，不過呢碟炸雞已經算少油啦，唯外面的炸粉炸得嫌唔夠脆。食食下至發現，隔離位的客人要求店員再添白飯，聽講白飯可以免費再添架。至於紫菜飯卷係散叫的。看似很平凡的紫菜飯卷，餡料有黃瓜、酸蘿蔔、青瓜、煎蛋和火腿等，飯粒較為軟身，有少少醋味，都幾好味。一個套餐都只不過 $88，而且不含加一，一個人去食已經夠飽，都

甜番薯味道甜甜地又幾好味蒜溶白菜仔這個就一般 ，蒜溶味真是好少,好似冇味牛肉拌飯平時去其他店鋪，牛肉份量好少,這裡所給牛肉好大方,味道又幾好,我覺得牛肉汁又不會太咸 ，真是幾好,白飯夠軟熟環境地方不大,十分乾淨企理款式選擇這裡晚餐款式並不太多，亦找到合心意晚餐服務我覺得幾好,揾店員寫單好快有人回應韓國料理近來去多了,主要是韓燒為主，有朋友最近話想去大角咀一間有人氣韓國小店 ，間店叫韓國媽媽，家庭式韓國料理曾去屯門吃過，我好耐冇吃過家庭式韓國料理，我在openrice見到韓國媽媽的評價幾好，今次有朋友同我去韓國媽媽，這間並不太難揾，店鋪地方不大,環境十分乾淨企理,我同朋友入到店鋪時候，已經幾乎坐滿客人，我同友人坐下之後，開始看餐牌,這裡價錢好平 ，1個餐已經有1個飯+2個小食+1杯飲品，真是十分抵食，先講下甜薯仔 ，番薯味道甜甜地又不錯,薯仔又不會太痴牙，食下去時候甜甜地好好味,蒜溶白菜仔就一般,蒜溶味較小，味道比較一般 牛肉拌飯就幾好味,牛肉洋蔥份量好多，用來拌白飯一流,白飯味道好軟熟,我覺得這個都不錯，韓國媽媽的確好好味 ，價錢夠平,2個人只是吃了88元左右，忌廉冇特別不多提了,服務

幫公司做人肉速遞送辦到大角咀, 送完唔洗返公司, 反正今晚一支公, 所以決定食埋晚飯先返屋企.搵左一輪見呢間小店有一人晚餐吃, 而且又係最鍾意既韓式, 一於試下.鋪頭細細, 向住廚房而坐.雖然心目中已有想食既款式, 不過都睇下menu仲有咩其他選擇.最後選擇晚市套餐滷水豬手飯($88), 仲可以揀多兩款前菜.揀左泡菜+涼伴青瓜, 泡菜少少辣, 少少酸, 幾入味. 青瓜唔辣, 好新鮮爽口, 食完好開胃.套餐仲跟埋白飯+飲品, 白飯夠大碗唔夠飲品仲有自助式茶水供應.滷水豬手一黎, 好大碟足料, 滷水味好香. 豬手點左D汁試下, 滷水帶甜, 唔咸, 而且入晒味. 豬手睇落好似好肥, 但食落口一D都唔覺, 肥瘦適中, 而且肥既部份有質感, 唔係一口咬開既肥膏, 類似燻蹄果類型, 非常好味.整體雖然呢間係小店, 但食得出係店主用心去制作美食. 而且門口既凍櫃里放滿各種自家制前菜, 可以比人散買, 非常好!

韓國媽媽餐廳內的面積的確比較細少，主要是一張吧枱加二人枱，同時容納不超過六七位客人， 是名副其實的小店。 韓國媽媽餐廳註明不含味精, 少油少鹽少糖真的有媽媽的影子。對身體也好一點,我們點了套餐,價錢 $62前菜點了粉絲彈牙爽口，配上不過鹹的醬油調味，是不錯的前菜。青瓜和泡菜，爽口的青瓜酸中帶辣，泡菜的辣道較低。豬肉炸醬飯韓式炸醬用上黑豆醬製成, 把薯仔，青瓜和豬肉切成粒後再混合韓式炸醬，，加入切粒的洋蔥、馬鈴薯、豬肉、青瓜同炒 醬汁比較濃稠，攪拌跟白飯一起吃，簡單又美味。整體就是很有家庭感覺的一家小店而且價格便宜。個炸雞飯，個雞炸得幾好，澆上好吃的韓式濃稠辣醬，雞件外皮說不上很厚，滑嘟嘟！

最近朋友搬左黎大角咀，聽佢講話呢頭有好多好好食高質數既食肆，各式各樣都有，所以我地決定開始係度搵食，今次就由韓國菜開始la~~真係名副其實既小店，舖頭細小，座位得10個到，但正因為咁，老闆就可以同我地溝通多d，服務都好d，食材都肯定新鮮d。一般韓國都有昆布湯供應，呢間小店也不例外，熱騰騰的昆布湯完全冇用任何肉類加入烹調，只係用本身既昆布同蒜頭帶出其清新味道，隨便一夾都有大量既昆布，材料十足!熱辣辣金色煲裝滿超過烹調2小時香噴噴既牛肋骨，炆得相當入味，夾幾下骨頭同肉自動分開。只有頂層及肉與肉之間有少許肥膏，肉質嫩滑有咬口，一d都唔韌。份量亦夠多，每件大小相唔多，毫不吝嗇。牛肋骨中大大塊紅蘿蔔同白蘿蔔，入口即融，超淋又唔爛，重點係佢吸sin d牛汁精華之餘，蘿蔔既甜美仲鎖左係度，每咬一啖肉汁四射，美味十足~~至於湯汁方面，由於只用肉汁同水煮成，所以極之清甜美味，雖然湯面有點油，但飲落去完全唔覺得油膩，用黎撈飯啱sin…西式豬手就食得多，韓式滷水豬手就真係第一次，滷水汁好香，唔係太濃，肉質有口感、鮮味，肉脂分佈均勻，豬皮煮得好彈牙。特別一讚係奉上碟豬手果陣，以為要自行拆骨，點知竟然已經起si

自從成個星期前食完韓餐，重燃番對韓國菜既希望後，念念不忘想再食下牛肋骨！於是今晚收工過左去大角咀呢間韓國餐廳去食“顛娜“          Yeah！見到我想食既牛肋骨外，仲見到個豬手都好吸引，梗係即刻點賣啦！ 正常呢兩尾菜好啱送飯食，但小女子係個一食完飯就好飽既人，咁咪試唔到咁多送，我先唔制！於是就齋叫兩個送黎食，睇下間餐廳得唔得先！！   店舖細細，座位十個，有點日式的風格，大角咀原來都幾多ya食下，呢度都幾有風格，店子由木既裝修打做，都幾有感覺！餐具方面，當然傳統既韓國餐具唔少得啦！老闆笑容好好，店員亦有好細心咁為客人介紹菜式，感覺幾有禮呢度位置有限，所以係客人自助形式咁飲麥茶既，然後招牌例牌豬手首先上台，原來係凍食黎，肉汁同魯汁不會過濃，例牌份量都幾有份量了，足夠一個人食用，豬手本身都肥肥地，真係叫半隻的話，肯定就食唔晒，豬手凍食好似無咁肥膩！基本上我係個唔食皮既人，呢度五分一都係皮，咁所以唔想曬，於是全部照食啦！咦，啲皮唔係好肥炸喎，覺得好彈牙，亦帶點爽口！！而且唔會好油，食到成咀係，唔食皮既人都可一試！！如果本身唔太“好“豬手的話，兩個人點一個例，再叫其他ya食仲好見佢啲時

聽說這所位處大全街內的韓食小店是甚獲佳評，而且價位收費亦相當的相廉。對於間唔中喜歡平平哋食一餐的我來講，這裡固然是一個十分好的選擇....抵達時好像剛只有六時許，走進窄窄空間不大的店裡，人也沒有一個...心裡有点狐疑，接着喊了幾聲，亦睇不到有人招呼。正想打道回府之際，一位年輕女子跑了出來，說店已開了，馬上着我們坐下。若然她慢半秒走出的話，這生意便一定做不成了....點了數款算是輕食的。始終在這一類的小店，當然不能奢望有甚麼大菜吃啦。能點吃到些像紫菜卷或炸醬麵等東西，已是不錯....前菜有例牌的泡菜、醃蘿蔔及魚片。Kimchi味還可以，辣度夠辛但不算嗆喉；醃蘿蔔的酸度調得不俗不會酸至人大咪眼；韓式魚片一向味偏甜但有欠鮮味。和我們廣東潮汕式的相比水平可謂差十萬八千里遠....叫了一罐韓國版的七喜汽水。想不到真的跟我們平時喝的7-up味道是一模一樣，給人一種很親切的感覺....小弟坐於bar檯上親眼目睹掌勺小妹即弄這一道傳統韓式麵食。和我們的山東炸醬麵同一般，醬顏色都屬接近黑漆漆的，這兒的也看似很對版，不過在材料方面肉末的份量是只得一丁點而已，內裡大部份就剩些爽至嗦嗦聲的薯仔以及紅蘿蔔，醬汁

同呢位老友，真係超有緣。由細玩到大。其後，佢結婚搬左過海，但工作既地方又係我屋企附近，大家又可以打波。最近，大家都轉了工，原來返工既地點，又係好近，大家仲可以一齊食lunch。大角咀，最好本來是去車品品，不過呢間嘢冇兩點都唔會開，無計。老友話試下間韓國媽媽，我未吃過，都有興趣。點了扣牌鹵水豬手，鹵水汁最好送飯。豬手皮也爽，只是肉稍稍韌了一點，但都唔係好誇張。可選配兩款小食，健康一點來個蒜茸時蔬，另外有爽脆醒胃的泡蘿蔔。約好了，又可以再打波。

最近豬豬學習自製韓式泡菜，因此對韓國料理抱有很大的好奇心。上星期四下班後約了男友到大角咀的韓國小店 ~ 韓國媽媽品嚐韓式家常料理的味道。韓國媽媽的門面很細，內裏的面積更小，同時容納不超過六七位客人，是名副其實的小店。不過小店也有小店的好，因為食物肯定新鮮，也不會囤積過多食材。這裏最吸引豬豬的食物，就是雪櫃內放置的涼伴配菜。因為是小店，餐牌上的選擇也不會非常多，店員推介我們吃今期時令菜式 ~ 涼炒雜菜粉絲，剛巧也是男友最吃愛的韓國菜之一。粉絲彈牙爽口，感覺有點像經常進食的綠豆粉。配上不過鹹的醬油調味，是不錯的前菜。這裏的套餐，包括主菜，2 款時令伴菜和1杯飲品。於是我們就點了1號套餐 ~ 招牌滷水豬手飯(白飯另上) + 正宗韓國泡菜 + 炒韓國魚片 + 熱綠茶。這個去骨切片的招牌滷水豬手，好吃得難以用言語來形容。 豬手肥瘦分明，肉質鮮嫩，而且滷水帶有香甜花椒味，和我們平常吃的原隻中式豬手感覺完全不同。除了跟餐的正宗韓國泡菜和炒韓國魚片，我們還另加了兩款時令伴菜 ~ 炒大豆芽及蒜蓉白菜仔。四款伴菜當中，最好吃的當然是正宗韓國泡菜了。其實最好吃的韓國辣泡菜，並非奇辣無比甚至讓人頭皮發麻般激辣

某日相約舊同學吃飯，她是韓劇粉絲，她提議吃韓國菜，於是到大角咀的韓國媽媽。餐廳內的面積的確比較細少，主要是一張吧枱加二人枱。餐牌標榜不含味精而且少油少鹽少糖，真的有媽媽的影子。點了一個晚餐，飲品選了昆布湯。樸素清淡的昆布湯，喝得出沒有加味精，滑口的昆布份量非常多，平日少飲湯水的朋友不妨以湯水代替汽水，健康得多。前菜點了青瓜和泡菜，爽口的青瓜酸中帶辣，泡菜的辣道較低，即使吃不到辣的朋友也可以一試。豬手飯原本還以為是中式肥膏較多的豬手，誰知竟然是像鹵水豬肉，充滿肉的鮮味而且肉質爽口，一點也不會有油膩感。而且份量大得兩個女生單吃已經很飽。豬肉炸醬飯把薯仔，青瓜和豬肉切成粒後再混合韓式炸醬，醬汁比較濃稠，攪拌跟白飯一起吃，簡單又美味。整體就是很有家庭感覺的一家小店而且價格便宜。______________________________同班同學 梁詠琪 明明身心經已重傷　扮皮外傷笑著博他去鼓掌愛需要合唱　太過剛強他不會留低欣賞明明所得不太理想　為人著想傷心都顧全漂亮改善了賣相　認清方向免得變成了他身邊其中一個敗將

跟友人在大角咀室內運動場打完波, 唔想行返出去太子旺角咁遠,就直接在附近D小街度覓食, 見到有間韓國餐廳門口放了很多不同款式的涼菜,發現甜薯仔, 簡直是至愛!!!!因為不是很多韓式餐廳會有呢款涼菜所以就二話不說揀左呢間雖然是晚飯時段, 但不用等位, lucky店內位置較小, 主要都是吧枱位, 可直接望到廚房煮食的情況外面也有些平常的餐桌座位,我們兩個女生,還好東西不多, 便坐在吧枱位可能因打完波, 所以都幾肚餓再加上我們的位置望住廚房位置, 見到廚師在煮野食,食物香味撲鼻而來, 真係越聞越肚餓餐牌有些套餐 及 散叫等選擇一口氣揀左好多樣至愛:涼菜: 甜薯仔, 泡菜, 炒大豆芽 ($20, 其中1 份是套餐送的)蘿蔔炒牛肋骨 套餐($108) - 配飯, 1涼菜, 飲品/湯, 我地揀左昆布湯炒什菜粉絲 (中-$35)韓式炸雞 (中-$35)本來都想試紫菜飯卷, 因為未試過,好想試可惜賣晒了, 唯有下次再試落左單等緊上菜時, 見到廚師在廚房烹調其他客人的食物,真係好有家庭feel, D醃好的材料是用大保鮮盒裝住,有客人order時, 即時炆煮睇韓劇時, 見D 韓國人好鍾意用保鮮盒放好多家常

住係附近，見到時咁多人，又唔想等位，所以開左咁耐都未食過想快快食完返屋企，叫左個洋蔥牛肉飯($88)，個餐仲包飲品同2個時令拌菜。拌菜方面我叫左炒韓國魚片同泡菜，估唔到個炒韓國魚片魚味好濃又香口。等左一陣個洋蔥牛肉飯都黎到啦，飯係另上既，個牛肉炒得好香而且一D都唔酒送飯食一流，飲品方面緊係飲我食韓國野既至愛，忌廉奶啦。晚餐既價錢係同區黎講叫貴，但係味道方面真係好好，都係值得的