保家山 (Closed)

講到觀塘區美食，可能大家都會諗到唔少價錢相宜嘅選擇，而呢間餐廳就主打比較貴嘅手工和牛漢堡，即使係午餐精選都要大約$100，可能因為咁，即使lunch hour都唔算太多食客，但幫襯完就會感覺到佢哋好用心去經營🙈漢堡可以揀唔同醬汁、甚至乎芫茜，作為香港人，當然要試下港式醬汁夠唔夠地道😎每個包都跟沙律同飲品，估唔到今時今日仲飲到玻璃樽裝嘅可樂，而且要自己開蓋，飲完心情都特別靚😂平時見到餐牌有沙律都預係雜錦沙律菜撈芝麻醬，仲有機會”梅梅地”，但呢度竟然用羅馬生菜、好新鮮，同蕃茄絲一樣爽脆多汁，醬汁方面係柚子醋，酸酸甜甜好開胃🥰雖然比較簡單嘅前菜，但餐廳都唔會hea做👍🏻食個漢堡之前試試醬汁先，真係超港式，好似沙律醬加咗豉油喼汁🤣不過成個包一齊食又唔會太㗳到嗰浸味，因為和牛嘅味濃啲？或者呢個搭配真係幾夾🤔麵包有搽滿牛油又烘過，所以合格✅不過漢堡扒有少少乾，如果抱住好想食到和牛嘅油香，可能就會失望，呢個漢堡反而要油膩啲😉但估唔到漢堡入面係用羅馬生菜，爽脆又甜啲😋朋友叫咗個辣汁嫩雞漢堡($96)，內餡唔係煎雞髀而係炸雞，幾嫩滑幾juicy😝