Video
Read full review
2022-03-13
775 views
❝おまかせ握り 12貫❞ ($680 +10% → $748)前菜有〔茶碗蒸〕蛋液嫩滑，三文魚子鹹鮮味有少少掩過蛋香，但口感一流。內有日本芫荽，味道溫和，接受得到。碗底有一小塊日式年糕，口感黏糯，頗有驚喜。〔煮八爪魚配真子／魚卵〕煮八爪魚煮得入味，相對上就只有殘留些微嚼勁。到壽司。〔縞鰺〕一向最愛深海池魚，獨特魚味夠濃郁，開始望見Adachi San嘅淡麗調味風格。〔石斑魚〕魚肉晶瑩通透，色澤討好。口感爽口﹑結實。魚味相對其他魚料有少少比下去，但依然係有驚喜嘅一貫。〔貝類〕忘記咗全名sorry！口感爽脆﹑味道清甜。到重味少少嘅壽司。先有〔小肌〕以魚肉交織依個presentation已經非常亮麗，食落口由頭到尾都極重鹹鮮味，成功同醋度偏高嘅舍利融為一體。再有〔海老〕極重膠質，海水鮮味係口腔入面不斷擴散，印象深刻。首圖嘅〔鰤〕係全日最愛，魚味濃郁﹑油脂滿滿，係Adachi San展現刀功嘅時候。重頭戲。〔中拖羅〕望見色澤同紋路已經知道係高質素。〔赤身〕以薑蔥調味，個人大愛薑蔥，同赤身好夾。〔金目錭〕魚皮有燒過，魚油豐富，魚味集中於後勁。〔昆布海膽〕工序極繁複。預想嘅海膽口感有被昆布擾亂，但
前菜有〔茶碗蒸〕蛋液嫩滑，三文魚子鹹鮮味有少少掩過蛋香，但口感一流。內有日本芫荽，味道溫和，接受得到。碗底有一小塊日式年糕，口感黏糯，頗有驚喜。〔煮八爪魚配真子／魚卵〕煮八爪魚煮得入味，相對上就只有殘留些微嚼勁。
到壽司。〔縞鰺〕一向最愛深海池魚，獨特魚味夠濃郁，開始望見Adachi San嘅淡麗調味風格。〔石斑魚〕魚肉晶瑩通透，色澤討好。口感爽口﹑結實。魚味相對其他魚料有少少比下去，但依然係有驚喜嘅一貫。〔貝類〕忘記咗全名sorry！口感爽脆﹑味道清甜。
到重味少少嘅壽司。先有〔小肌〕以魚肉交織依個presentation已經非常亮麗，食落口由頭到尾都極重鹹鮮味，成功同醋度偏高嘅舍利融為一體。再有〔海老〕極重膠質，海水鮮味係口腔入面不斷擴散，印象深刻。首圖嘅〔鰤〕係全日最愛，魚味濃郁﹑油脂滿滿，係Adachi San展現刀功嘅時候。
重頭戲。〔中拖羅〕望見色澤同紋路已經知道係高質素。〔赤身〕以薑蔥調味，個人大愛薑蔥，同赤身好夾。〔金目錭〕魚皮有燒過，魚油豐富，魚味集中於後勁。〔昆布海膽〕工序極繁複。預想嘅海膽口感有被昆布擾亂，但味道特別有驚喜。
最後一幕〔魷魚〕切粒口感獨粒，為壽司畫上清新句號。〔吞拿魚蓉手卷〕紫菜夠脆﹑屬厚身，吞拿魚蓉同舍利逗留到最後一口，居然仲未令到紫菜軟化，相信背後有唔少心思。口感味道層次都100分。
完食壽司後有〔玉子〕未算濕潤綿滑，正正常常。一碗〔赤麵豉湯〕係多蔥吸物！鮮味頗重。〔培茶布丁〕面頭有蜜豆。布丁極重奶味﹑培茶味唔算非常突出但恰到好處，口感綿滑到黏口，個人大愛。
舍利－偏酸、黏性高、微溫。頭一兩貫有散，飯粒會黏係碟上，之後就無問題。過咗頭兩貫直頭係每貫就換一次舍利。
調味－除咗赤身，其餘壽司調味都係偏向淡麗，以呈現魚料新鮮原味為主。
握功－Adachi San握功紮實，未算有超強沉降，但每貫舍利嘅空氣感好一致。
其他－留意到Adachi San會幫魚料「飛邊」，令每貫壽司都係工工整整。抹碟﹑加茶﹑添薑片蘿蔔頻率足夠，其餘用餐體驗部份可以參考上一個post。
總括黎講Shion係走實而不華路線嘅omakase，未必係用餐途中令人wow出聲嘅個種鮨店，反而係令人完食之後再三回味﹑欣賞師傅用穩實功架﹑以及剛剛好嘅修飾帶出食材鮮味嘅處理方法。
以依個價錢黎講魚料質素係無可挑剔，可惜個人口味偏愛酸度較低﹑溫度較高﹑黏性較低嘅舍利，Shion未必最適合我，但有機會必然會為食材同Adachi San而回訪。
𓂃𓈒 𓂂𓏸 𝐫𝐚𝐭𝐢𝐧𝐠 𓏸𓂂 𓈒𓂃
餐點味道 | ♥︎♥︎♥︎♥︎♥︎♥︎♥︎♥︎♡♡
抵食指數 | ♥︎♥︎♥︎♥︎♥︎♥︎♥︎♥︎♡♡
店舖環境 | ♥︎♥︎♥︎♥︎♥︎♥︎♥︎♥︎♥︎♡
用餐體驗 | ♥︎♥︎♥︎♥︎♥︎♥︎♥︎♥︎♥︎♥︎
推薦程度 | ♥︎♥︎♥︎♥︎♥︎♥︎♥︎♥︎♡♡
適合場景 | 二人聚餐
Post
