Video
4-min walk from Exit D2, Central MTR Station
continue reading
Telephone
23110007
23110999
Opening Hours
Today
12:00 - 15:00
18:00 - 22:00
Mon - Sun
12:00 - 15:00
18:00 - 22:00
Above information is for reference only. Please check details with the restaurant.
以往疫情Omakase一位難求，而家大家去返旅行之後都少左喺香港食Omakase。今次呢間Omakase 座落喺中環，但性價比好高！本身聽聞佢地既師傅Adachi san手勢好好，一直都想試下，但可惜原來佢已經無喺度做，而家係由Chef sugano主理。佢地既壽司質素真心唔錯，而且物有所值，Lunch 去食更加抵！今次叫左佢地10件壽司既lunch set🍣🔸前菜：八爪魚🐙🔸茶碗蒸🔸味噌湯壽司十貫🍣：1️⃣左口魚第一件壽司當然魚味會較清新，食落鮮甜美味，魚油慢慢滲出💦2️⃣石垣鯛不愧為日本人眼中其中之一魚中之王，肉質細膩，油分充足❗️3️⃣白蝦食左兩種魚壽司之後，食一食唔同口感既蝦壽司。肉質彈牙，鮮甜美味。4️⃣伊佐木肉質白裡透紅，彈牙爽口而不油膩。5️⃣赤貝外層爽脆，海水味濃郁。6️⃣中拖羅入口即融，油分恰到好處。7️⃣醬油漬赤身醬油的鮮香帶出赤身的鮮甜。8️⃣花魚一夜干壽司比較少食到，肉質彈嫩新鮮，魚油味濃。9️⃣池魚肉質肥嫩，油脂豐富，魚油甘香。🔟吞拿魚手卷🍮甜品：芝麻/綠茶雪糕
continue reading
🤗 早前聽聞 中環 “鏞記” 旁邊開咗間 “廚師發板”, 幾經艱苦, 搵到嘞, 原來係 “預約困難店” Shion, 梗係約埋老友 “意大利長介” 嚟探店.🏘️ 餐廳屬 “樓上舖”, 行兩層樓梯, 見到鮨店入口, 走過門簾, 中間係服務員工作台, 男女洗手間喺左邊, 直望係十人L型壽司吧枱, 空間非常闊落, 十個讚! 另設一張四人方枱, 怪怪地. 裝修走簡約風格, 冇乜花巧嘢.🥢 今日點咗12貫壽司套餐 $680+10%, 其他選擇: 10貫壽司套餐 $480, 又或者刺身壽司套餐 $1,180. “長介” 又唔睇價錢, 揀咗貴價清酒, 盛惠 $1,080. 📖 聽講鎮店日本師傅 Adachi san 去年底返咗日本. 現在駐塲嘅日本師傅係 Sugano san, 今日招呼我哋嘅係本地師傅 “魚 san”, 剛由姐妹店 “鮨慎 Kami” 調過嚟.🍥 茶碗蒸🍣 壽司左口魚深海池魚甜蝦九繪魚赤貝昆布海膽中拖羅赤身醬油漬大拖羅鯖魚池魚吞拿魚手卷🥰 酒肴八爪魚鮟鱇魚肝🍥 玉子燒🥣 麵豉湯🍮 焙茶奶凍🍥 茶碗蒸. 夠熱, 合格.🍣 左口魚. 味道相對淡麗, 食落口感充實, 煙煙韌韌, 過關! 聽聞 Shion 嘅舍利偏酸, 又唔覺喎.🍣 深海池魚. 魚油豐富, 我鍾意呢個實淨嘅口感, 同啱啱 “軟癩癩” 嘅左口魚形成對比, 有趣!🦑 八爪魚. 腍呀, 又入味, 可惜份量太少, 哈哈.🦐 甜蝦. 三隻蝦, 入口澎湃, 既鮮甜, 又膠口, 唔錯!🍣 九繪魚. 陌生嘅名字, 屬於深海石斑魚. 肉質飽滿, 且具彈性. 玩炙燒, 聞落, 食落, 吞落, 都享受馥郁香味, 但又唔會油淋淋, 不俗!🐚 赤貝. 大隻兼厚肉, 鮮味海水味湧出, 掂!🐚 昆布海膽. 初嚐昆布版本, 味道更濃郁, 口感更渴身, 完美享受海膽鮮味, 十個讚!🥰 鮟鱇魚肝. 入口軟綿, 雪糕口感, 咁香味道慢慢滲出, 又係份量太少, 哈哈.🍣 中拖羅. 魚味濃郁, 柔潤肥美, 鐵銹味絕配醬油味, 我鍾意!🍣 赤身醬油漬. 相比 “中拖羅”, 口感更細𡟹, 醬油味更甘香.🍣 大拖羅. 完全見唔到脂肪紋嘅? 雖然有點失望, 但醬油發揮更精彩. 中拖羅, 赤身, 大拖羅, 就係傳說中嘅 “鮪魚三連發”.🍣 鯖魚. 原始經典版本, 相對厚切, 入口滑溜, 重魚味, 抵讚!🍣 池魚. 賣相出色, 盡顯師傅刀功. 食落魚肉緊緻, 又非常肥美.🍙 吞拿魚手卷. 吞拿魚蓉味道香濃, 引人入勝, 配脆脆紫菜, 充滿驚喜.🍥 玉子燒. 質感軟綿, 甜度啱啱好. 🥣 麵豉湯. 熱辣辣, 好味道, 順便解酒醉.🍮 焙茶奶凍. 茶味搶鏡, 完美結束.🤗 總結: Shion 走中高檔路線, 以日本師傅作招徠, 坐位舒適濶落, 可能空間太大, 講嘢聽嘢好空曠, 傾密計有點困難, 扣分. 服務貼心到位, 師傅有問必答. 論食物, 傳統江戶前風格, 魚料優質, 調味簡單, 十二貫壽司之外, 加料 鮟鱇魚乾 同埋 八爪魚, 多謝唒! 香港地, 日本餐廳五花八門, 人外有人, 天外有天, 今日有緣到此一遊.📖 翻查資料: “江戶前” 原指 “江戶城前的河灣”, 即現在嘅東京灣, 當時魚類品種豐富. 另一個意思係 “江戶前” 嘅 傳統壽司製作方法 或者 手握壽司哲學. 江戶時代尚未出現如今先進嘅交通工具同埋雪櫃, 人們想出不同嘅方式保存海鮮食材, 包括煮, 醃, 浸泡等, 演變出一套製作壽司嘅哲學.
continue reading
sushi shion ,位於中環威靈頓街的一間omakase餐廳。之前一直聽聞是困難預約店，今日終於有機會一試，晚市有兩個menu$1480/$1980,我們試左$1980set，大概20 道菜，仲另有有甜品。途中有部分唔記得影相😅😅，環境相對比較清靜，每道菜式師傅亦都有詳細的介紹，服務也不錯，整體來講超出預期。下次有機會再試試午餐，因為個價錢真係好吸引，系中環確實好難搵到性價比如此的omakase .
continue reading
係fb group得知Adachi San淨係做到十一月底，即刻上網book午餐食，順便回味師傅好手勢🥰午餐分為十二點同一點半兩個時段，我同朋友仔揀左後者，所有客人都準時到達！Asachi San全程都一腳踢，不斷備料切漬物抹碟，但仍然非常細心，無怠慢到任何一個顧客，面上一直掛住微笑，服務態度一百分！🥄三文魚子茶碗蒸🥢慢煮八爪魚🍣深海池魚🍣左口魚 魚肝🍣赤貝🍣甜蝦🍣秋刀魚🍣鰤魚 野生油甘魚🍣中拖🍣小肌🍣昆布漬海膽🍣醬油漬赤身🍣赤鯥🍙呑拿魚蓉手卷🥚玉子🥄味噌湯🍮奶凍/芝麻雪糕由茶碗蒸，壽司到甜品，水準一如既往咁穩定！Adachi San行淡麗簡潔風，每一樣食材既味道都恰到好處，無過多花巧既把戲，專注地將食物最好既狀態呈現俾食客☺️壽司飯口感岩岩好，既唔會太鬆散又唔會太硬梆梆，酸味同魚生配合得好好！當日有好幾件壽司都令我地留下深刻印象，分別有正值季節既秋刀魚，魚肉光質紅潤，入口滑溜溜又充滿油脂香。小肌都好出色，每咀嚼一口，酸度亦會慢慢愈滲愈多，味道由淺入深，層次十足！昆布漬海膽可謂餐廳既名物，昆布將海膽既鮮甜味昇華，鮮味係口腔爆發，餘韻更帶回甘，同一般海膽比較更特別更有記憶點！📍Shion中環威靈頓街50號華威大廈UG樓B號舖
continue reading
中環shion係一個月之前book落的，聽聞是預約困難店，所以都有d期待。我選的是1280 set，而同行隔離果位選680 set.1280set有刺身，賣相靚，Toro同海膽都好味，但螺有少少腥。牡丹蝦、甜蝦同墨魚不爽口，口感太漿。整體ok但不是太有驚喜（特別蝦和墨魚較遜色），個人覺得整餐最好吃的是石垣貝同toro蓉手卷。另外，之前我見到openrice d人講食貴set會有件3層toro的sushi, 點知我件toro sushi 居然同平set的一樣，令人失望。舍利偏酸，我自己覺得還可以，但同行隔離果位人兄話太酸佢唔like。同場撞啱有幾位有點好似好巴閉的女仕以英語高談濶論，疑似係喺度食緊team lunch。我知咁係唔關店方事的，但有點影響食慾。總結係我覺得呢個質素唔值呢個價錢。
continue reading