KABOOM

之前因爲見網上介紹，所以已經bookmark左【KABOOM】好耐，最近終於有機會一試。【KABOOM】主打峇里風風東南亞菜，有室内同室外兩層，最近天氣禁熱一定就坐室内、但要打卡就坐室外啦。KABOOM Sharing Platter：小食拼盤，for 2-3人share，包括豬肉串、炸蝦丸、炸春卷、 泰式魚餅、炸單骨雞翅。本身以爲大部分都現成無咩特別、但有幾款食材超好食同over expectation。個人最推豬肉串同炸單骨雞翅，豬肉串香料味十足、非常juicy，而炸單骨雞翅辣辣地好惹味。Tom Yum Coconut Scallop Carpaccio：刺身帶子配冬陰醬汁，非常特別同平時食開既日式刺身唔同。冬陰醬汁非常香口。Thai Basil Strozzapreti Pasta with Grilled Spanish Octopus：超級軟霖既慢煮八爪魚脚、外面煎得超香。配好特別既短捲麵非常掛汁、泰國羅勒味道好出，不過覺得醬汁味道偏甜。Grilled Gai Yang Chicken：皮脆肉嫩、非常juicy，超級驚喜。而且調味非常泰式，酸味同香料味十足。伴碟蔬菜都好鮮甜。