Video
Read full review
2024-06-13
201 views
自從早排跟朋友仔上 #深圳 試過「四季椰林海南椰子雞」 嘅 #火鍋 之後，#小秘書 對佢哋個 #椰子雞湯 一直念念不忘❤️ 入口非常清甜🤤 細問服務員之下，先知道原來個湯底係用咗4個椰子🥥變成一鍋湯，而全程係無加一滴水嘅🤤 怪不得咁好飲啦🤤🤤聽講呢間喺國內已經超60間分店嘅 #四季椰林海南椰子雞 最近喺香港開咗新店，#小秘書 當然唔執輸，約埋朋友仔陪我朝聖！未夠六點餐廳門口已經排滿人龍，店員亦已經準備就緒，企晒喺門口歡迎我哋… 搞到我突然有種VIP上身嘅感覺🤭 餐牌上食物嘅選擇都唔少，不過嚟得幫襯，梗係要叫佢哋馳名嘅 #椰子湯底 🥥再配由 #海南文昌雞 🐥先至夠識食啦🤤 湯底飲落口有種天然嘅甜味，再落埋啲雞件落鍋煮5分鐘，啖湯就變得更加鮮甜🤤🤤#火鍋料 方面，我哋都係以清淡為主，唔想嘥咗湯底嘅鮮味之餘亦，亦都想試吓食物嘅真正味道🤤🐥海南香脆文昌雞眕 - 味道辣辣地，入口好爽脆，用嚟做餐前小食一流🐲鮮龍須筍 - 口感鮮嫩有淡淡嘅筍香🤤 聽講全部都係由人手採摘，仲要係由峨嵋運過嚟，特別矜貴🫶🏻🍄鮮珍山菌拼盤 - 由四種唔同嘅菇菌組成，而我就最鍾意食 #鉛筆菇，口感爽爽哋仲有啲甜味，而且肉質都
聽講呢間喺國內已經超60間分店嘅 #四季椰林海南椰子雞 最近喺香港開咗新店，#小秘書 當然唔執輸，約埋朋友仔陪我朝聖！未夠六點餐廳門口已經排滿人龍，店員亦已經準備就緒，企晒喺門口歡迎我哋… 搞到我突然有種VIP上身嘅感覺🤭
餐牌上食物嘅選擇都唔少，不過嚟得幫襯，梗係要叫佢哋馳名嘅 #椰子湯底 🥥再配由 #海南文昌雞 🐥先至夠識食啦🤤 湯底飲落口有種天然嘅甜味，再落埋啲雞件落鍋煮5分鐘，啖湯就變得更加鮮甜🤤🤤
#火鍋料 方面，我哋都係以清淡為主，唔想嘥咗湯底嘅鮮味之餘亦，亦都想試吓食物嘅真正味道🤤
🐥海南香脆文昌雞眕 - 味道辣辣地，入口好爽脆，用嚟做餐前小食一流
🐲鮮龍須筍 - 口感鮮嫩有淡淡嘅筍香🤤 聽講全部都係由人手採摘，仲要係由峨嵋運過嚟，特別矜貴🫶🏻
🍄鮮珍山菌拼盤 - 由四種唔同嘅菇菌組成，而我就最鍾意食 #鉛筆菇，口感爽爽哋仲有啲甜味，而且肉質都比較厚，最啱我呢啲為食人士🤤
🐮原切和牛雪花牛肉 - 肉味都幾濃，入口充滿油花嘅香味，搞到猛咁話要減肥嘅我，都忍唔住口🤤
🌱嫩雞毛菜 - 細個由婆婆炒俾我食就試得多，不過用嚟打邊爐就真係第一次，估唔到都幾有菜味，又唔會有渣，至啱用嚟打邊爐🤤
雖然食到呢度真係有啲飽，不過又點少得加個 #烏冬 落湯底，用嚟鞏固下個胃吖嘛🤭 點知服務員咁有心思，竟然將個烏冬捲成心形送上枱，真係未食都已經甜到入心呀❤️
講到打邊爐，又點可以冇凍飲，服務員就介紹我哋可以試吓佢哋嘅王牌 #黃皮正椰露，入口鹹鹹地有好濃嘅黃皮果味，啱晒用嚟中和吓食物嘅油膩🤤
臨走埋單先知道餐廳原來做緊開業優惠，由即日到2024年6月底嚟幫襯會有八折㗎🤩 … 價錢咁吸引，希望仲趕得切組隊過嚟試埋個「至尊榴槤椰子雞」，一嘗我呢個 #榴槤控 嘅心癮啦🤭🤭
📍 四季椰林海南椰子雞 CoCo Four (旺角) 太子道西193號MOKO新世紀廣場4樓402-403號舖
Post
