Video
Read full review
2021-09-24
507 views
我同朋友身處灣仔，想食泰菜🇹🇭，上網一搵之下發現酒吧街嗰邊有間新開泰菜店「Mana Thai Kitchen 」，於是就行去嗰邊睇吓。我哋都搵咗陣先見到間舖，入口喺地面，座位區就喺一樓。餐廳賣嘅泰菜均屬常見款式，包括有小食、沙律、湯、咖哩、炒菜、海鮮、燒烤同飯麵等，定價屬中上水平，但起碼每樣都大大份，所以都OK☺️。牛肉船麵($120)，我敢講佢係我食過最濃郁嘅船麵，湯底亦係最貼近泰國地道口味。🍜湯頭好深色，食落帶微微酸，估計係落咗魚露同青檸。呢碗牛肉船麵唔止得肥牛咁簡單，佢仲有牛腩同牛丸，全部味道都唔錯，啱晒牛魔王🐮。麵底係金邊粉，配埋芽菜、乾蒜、炸豬皮同蔥等一齊食，味道層次豐富。泰式肉碎生菜包($80)，肉碎超大碗，但對比下顯得啲生菜好少，唔夠包🙈。肉碎加入生洋蔥同辣椒粒撈匀，混合埋食非常惹味，但辣度亦意外地強，可能咬中辣椒籽🌶️，食到我噴火咁濟。泰式生蝦刺身($108)，生蝦一份有六隻🦐，每隻放進一個玻璃杯入面。除咗生蝦之外，杯內仲放有薄荷葉、蒜片、辣椒同辣汁，整體食落鮮甜爽口，一啲都唔腥，比起日式刺身更具風味。泰式無骨鳳爪沙律($75)，朋友好鍾意食鳳爪🤓，所以我唯有捨命陪君子。鳳
我同朋友身處灣仔，想食泰菜🇹🇭，上網一搵之下發現酒吧街嗰邊有間新開泰菜店「Mana Thai Kitchen 」，於是就行去嗰邊睇吓。我哋都搵咗陣先見到間舖，入口喺地面，座位區就喺一樓。
餐廳賣嘅泰菜均屬常見款式，包括有小食、沙律、湯、咖哩、炒菜、海鮮、燒烤同飯麵等，定價屬中上水平，但起碼每樣都大大份，所以都OK☺️。
牛肉船麵
$120
10 views
0 likes
0 comments
牛肉船麵($120)，我敢講佢係我食過最濃郁嘅船麵，湯底亦係最貼近泰國地道口味。🍜湯頭好深色，食落帶微微酸，估計係落咗魚露同青檸。呢碗牛肉船麵唔止得肥牛咁簡單，佢仲有牛腩同牛丸，全部味道都唔錯，啱晒牛魔王🐮。麵底係金邊粉，配埋芽菜、乾蒜、炸豬皮同蔥等一齊食，味道層次豐富。
泰式肉碎生菜包
$80
5 views
0 likes
0 comments
泰式肉碎生菜包($80)，肉碎超大碗，但對比下顯得啲生菜好少，唔夠包🙈。肉碎加入生洋蔥同辣椒粒撈匀，混合埋食非常惹味，但辣度亦意外地強，可能咬中辣椒籽🌶️，食到我噴火咁濟。
泰式生蝦刺身($108)，生蝦一份有六隻🦐，每隻放進一個玻璃杯入面。除咗生蝦之外，杯內仲放有薄荷葉、蒜片、辣椒同辣汁，整體食落鮮甜爽口，一啲都唔腥，比起日式刺身更具風味。
泰式無骨鳳爪沙律($75)，朋友好鍾意食鳳爪🤓，所以我唯有捨命陪君子。鳳爪去骨去得好乾淨，口感爽彈，調味酸酸辣辣，實屬開胃之選。
飲品方面，我哋都係檸檬界嘅代表🍋，分別要咗青檸梳打($42)同檸檬沙冰($48)，出奇地兩杯都唔太酸，嚴格來講偏甜少少，但解辣就一流。
總括嚟講，呢間由泰國人主理嘅泰菜店味道正宗，味道較濃，無特別遷就香港人嘅口味。餐廳面積好大，座位多，適合一班人聚會。最後，泰藉店員們態度友善，又會關心客人啱唔啱食，抵讚👍。
Post
