Video
Read full review
2023-02-13
34 views
今日同屋企人玩完迪迪尼, 睇完煙花散場搵嘢食, 一定要用美好嘅一餐作結！天氣濕濕立立, 我同老公都想食吓泰國菜, 醒吓胃口, 而東涌開得夜嘅唔係好多, 上Openrice見到呢間裝修唔錯, 環境夠chill, 最緊要係開得夜, 就決定黎呢度試吓>.^ 餐廳喺東薈城一直行到最盡再過天橋就去到，睇地圖要行12分鐘, 但行吓行吓就好快到, 原來係私人屋苑樓下嘅餐廳, 環境好有格調(好似去咗鯉景灣嘅感覺)除咗室內, 佢出邊有好多位, 加埋隔離酒吧嘅音樂氣氛都好正, 不過因為天氣比較潮濕, 所以我哋都係坐入面。室內入邊環境都幾好, 樓底夠高, 有幅七彩顏色嘅壁畫, 好多高高吊燈, 坐得舒服, 仲有個大電視睇波添, 呢間主打越泰菜. 呢度嘅店員全部講英文, 佢哋都好友善, 我哋睇餐牌見到好多食物都幾吸引, 因為肚餓, 首先叫咗泰國黃咖喱蟹肉配麵包 $165, 黃咖喱香甜惹味, 好有椰香味, 有幾件蟹肉紅椒、洋蔥等等配料, 食落啖啖都有蟹嘅鮮味, 配埋烘到脆卜卜既蒜蓉包一齊食, 推介呀！食曬蒜蓉包仲有好多黃咖喱, 就加個薄餅ROTI CANAI $35, 個ROTI CANAI同黃咖喱味道非
天氣濕濕立立, 我同老公都想食吓泰國菜, 醒吓胃口, 而東涌開得夜嘅唔係好多, 上Openrice見到呢間裝修唔錯, 環境夠chill, 最緊要係開得夜, 就決定黎呢度試吓>.^
餐廳喺東薈城一直行到最盡再過天橋就去到，睇地圖要行12分鐘, 但行吓行吓就好快到, 原來係私人屋苑樓下嘅餐廳, 環境好有格調(好似去咗鯉景灣嘅感覺)除咗室內, 佢出邊有好多位, 加埋隔離酒吧嘅音樂氣氛都好正, 不過因為天氣比較潮濕, 所以我哋都係坐入面。室內入邊環境都幾好, 樓底夠高, 有幅七彩顏色嘅壁畫, 好多高高吊燈, 坐得舒服, 仲有個大電視睇波添, 呢間主打越泰菜.
呢度嘅店員全部講英文, 佢哋都好友善, 我哋睇餐牌見到好多食物都幾吸引, 因為肚餓, 首先叫咗泰國黃咖喱蟹肉配麵包 $165,
黃咖喱香甜惹味, 好有椰香味, 有幾件蟹肉紅椒、洋蔥等等配料, 食落啖啖都有蟹嘅鮮味, 配埋烘到脆卜卜既蒜蓉包一齊食, 推介呀！食曬蒜蓉包仲有好多黃咖喱, 就加個薄餅ROTI CANAI $35, 個ROTI CANAI同黃咖喱味道非常之夾, 原本用匙羹食, 味道實在太夾, 我索性用手, 個(似)印度人嘅經理見我落埋手食得咁滋味, 就同我哋講廣東話, 好nice咁問我哋: 好唔好食呢? (笑)我哋大家都笑咗😆
之後叫個串燒沙嗲 6串 $128, 有雞、豬、牛肉各兩串，燒到香噴噴外層焦香味十足！肉質一啲都唔會乾身，保持肉質滑嫰，點埋秘製沙嗲醬，十分惹味！味道唔錯, 主要係佢既沙爹醬好味, 味道帶有椰奶味, 偏甜, 一上菜都見到d吵嗲勁大串，咬落去好juicy🥰
***重點係食唔到辣嘅囡囡都可以食到***讚👍🏻
甜品揀咗越式炸香蕉 $78, 我覺得呢個甜品非常出色，炸到金黃色皮脆內嫩，仲有啲杏仁，點少少蜜糖，係完美嘅配搭👍🏻✨
配埋個Drink MANGO BLAST $58 同 THE BLUE SEAVIEW $68，加埋少少酒精，非常圓滿，埋單$585 整體嚟講都好抵食，推介大家去試吓😉
Post
