大日子酒家

Open Now

Now Closed

身為一個大埔人，聽就聽過呢間酒樓個名，但從來都無幫襯過。疫情下出街食餐飯都要左顧右盼，週末想忙裏偷閑，暫時放鬆一下，咁啱經過大日子，就決定去試下呢間酒樓。疫情關係，只限二人一枱，但眼見都有唔少街坊捧場客。燒鴨米線：米線偏淋，適合上年紀人士。燒鴨得骨左肉少，整體扣分。蝦腸：腸粉較厚，但勝在份量多，蝦都有7-8隻，而且唔細，屬一般水準。煎薄撐同春卷： 香脆可口叉燒包： 蠔皇汁鮮味多少少會更好整體而言，可以一解飲茶之癮，食既係街坊情懷。