Video
Read full review
2020-05-22
499 views
呢段時期，任食點心已成為了大勢所趨，不論是高級餐館，抑或是五星級酒店中菜廳，也推出有今生無來世的超筍價點心放題。今次我要介紹既，係天際萬豪酒店的任食點心，地點是隔涉了一點，但$238食到你嘔，上網訂仲有七五折，遠一些也無妨吧~這類飲茶任點任食，其實除了點心，仲會有些小食供應的。一口氣來幾份，爽口的秋葵，冰鎮做法從來合適，尤其是炎炎天氣，受用無比。油炆筍也是我喜愛的東西，但這醬汁稍甜了一點。黃金脆豆腐一啖一口，令鍾意食香口嘢既我停不了口。接著是數之不盡的點心，由蒸點先說吧。蝦餃燒賣是必備項目，至少我要吃過這些才覺得像是飲茶。呢度既蝦餃漲卜卜好足料，燒賣飽滿企身，松露上素餃清新而不致過份淡口，喜歡的話配些XO醬仲正。還有山竹牛肉球，都唔知幾耐無食過。包點類有蜜汁叉燒包，包身軟熟，餡料香甜可口，始終要這類『裂開』的傳統款式，才是我的心水。腸粉叫左兩款，蝦腸及叉燒腸，我覺得皮太厚了，可以更好。煎腸粉就好好多，夠香口，沾上辣醬當然更惹味。另外的煎蘿蔔糕都係喇，有辣椒醬當堂好食十倍。其餘幾款煎炸嘢都做得幾好，春卷和腐皮卷香口可口，前者更加是沙嗲雞絲餡，十分特別。煙煙韌韌的咸水角，我也吞下了一整件。
呢段時期，任食點心已成為了大勢所趨，不論是高級餐館，抑或是五星級酒店中菜廳，也推出有今生無來世的超筍價點心放題。今次我要介紹既，係天際萬豪酒店的任食點心，地點是隔涉了一點，但$238食到你嘔，上網訂仲有七五折，遠一些也無妨吧~
這類飲茶任點任食，其實除了點心，仲會有些小食供應的。一口氣來幾份，爽口的秋葵，冰鎮做法從來合適，尤其是炎炎天氣，受用無比。油炆筍也是我喜愛的東西，但這醬汁稍甜了一點。黃金脆豆腐一啖一口，令鍾意食香口嘢既我停不了口。
接著是數之不盡的點心，由蒸點先說吧。蝦餃燒賣是必備項目，至少我要吃過這些才覺得像是飲茶。呢度既蝦餃漲卜卜好足料，燒賣飽滿企身，松露上素餃清新而不致過份淡口，喜歡的話配些XO醬仲正。還有山竹牛肉球，都唔知幾耐無食過。
包點類有蜜汁叉燒包，包身軟熟，餡料香甜可口，始終要這類『裂開』的傳統款式，才是我的心水。
腸粉叫左兩款，蝦腸及叉燒腸，我覺得皮太厚了，可以更好。
煎腸粉就好好多，夠香口，沾上辣醬當然更惹味。另外的煎蘿蔔糕都係喇，有辣椒醬當堂好食十倍。
其餘幾款煎炸嘢都做得幾好，春卷和腐皮卷香口可口，前者更加是沙嗲雞絲餡，十分特別。煙煙韌韌的咸水角，我也吞下了一整件。
生怕吃不飽，再來幾盅盅頭飯，又北菇蒸雞又陳皮牛肉餅咁，但當中的鳳爪排骨飯才是最討喜。其實佢仲有幾款粥同埋擔擔麵等供應，只是我沒有四個胃。
Post
