WM Café & Bar (啟岸)

Open Now

Now Closed

無想過係百年一遇的黑雨天氣，而呢間餐廳有開門，令無買餸的我可以食到飯。Lunch menu 也多元化，只可惜餐牌第一款的沙律沒有，惟有下次試。不過反而叫了平時好少會叫的吉列魚配牛角包，老公就叫咗南瓜汁燒雞露荀焗煙斗粉。係呢種格局的餐廳價錢不算貴。但估不到餐湯水準一流，個甘荀湯真係打出來，超蓉，仲要加咗少少薑蓉，超夾；一定不是罐頭開。龍蝦湯都係，足料，但我覺得有少少腥。主菜，吉列魚好大塊，炸得不乾。牛角包焗到好脆，不錯。若可以有多少少配菜，則無咁膩。煙斗粉則少咗啲雞肉，南瓜汁的味道不錯。餐飲叫咗杯熱咖啡，較為苦澀，要落奶。今天餐廳人不多，可能仲落緊雨。總算是一個愉快午餐。