壹火鍋

Open Now

Now Closed

壹火鍋係兆萬，好正常咁出𨋢，時間尚早即刻有位坐，仲要係卡位，過多陣已經有人等位。餐廳格局簡單，門口掛上大幅日本掛畫，靠窗的卡位吊着木製球形燈罩，燈光較暗，播放著經典西洋音樂，相映成趣，餐廳整體尚算整潔。叫左個店員推介的長腳蟹海鮮火鍋湯底同埋刺身拼盤，無幾耐就上菜了，兩樣食物的份量幾足料，蟹肉鮮甜有口感，拼盤個盤仲要有變色的燈。點餐紙上有大約80樣食物，一般火鍋店有的壹火鍋都有，不過呢度有幾樣值得推薦的：雪花肥牛，羊肉片，黃鱔片，帆立貝，蟹爪肉棒，花膠，火炙芝心丸等等。火炙即是將芝心丸的表面先用火燒過，令口感更加結實彈牙，真心覺得係誠意之作。雖然其他肉類海鮮類在其他火鍋店都有，但品質的確比起來壹火鍋較有質素。雪花肥牛的脂肪均勻，不會起筋。另外一個驚喜係竟然有韓國麵同韓式年糕，韓國麵係原包上的。整體來說，餐廳環境一般舒適，服務態度值4/5分，離開時候發現原來提供免費手機叉電服務，其實好貼心，食物質素5/5分，以壹火鍋的食物質素來說，$168十分合理。我會考慮下次再揾埋朋友一齊去食。