Video
Read full review
2019-07-23
1389 views
我真係好鐘意食omakase!毫無煩惱，師傅幫你諗好，夠哂驚喜，只要乖乖坐低，野食直接送到你眼前。今日黎左呢間位於銅鑼灣高層日本🇯🇵師傅發辦慶祝。好高人氣好多明星藝人都黎打卡🤗個景仲好靚，可以一路望住師傅準備料理，一邊睇住個靚景，令人舒服。大家仲要去廁所參觀一下，都好高級好靚🤭🤭哈！今日有 杜師傅為我們烹調👨🏻🍳佢多年經驗仲係日本🇯🇵打滾過同經常去日本搜羅時令食材，而且每道菜都係佢精心設計，好有創意夠哂厲害。👍餐廳推出左最新菜單《夏日限定廚師發辦 SUSHI GIN》,真係好令我驚喜，可以話我食過最好味又最多野食最正既一次！😍竟然有17道菜式，而且好多都係好珍貴時令食材，超新鮮！前菜🍚🐟真鱸魚昆布漬鱸魚用左昆布漬調味，令到味道鮮點咸香，幾開胃。赤羽太，粒貝，鰹魚高湯燙霜 🐟呢款魚既味道本身淡味，加左鰹魚既濃湯加熱，令到魚鮮味帶出，再沾上木魚花醬汁，味道立即變得濃味。好好味！😍這個前菜簡直似一幅畫咁，放到好靚！😍分別係赤身紫蘇大根卷、琵琶湖稚鮎、唐揚本州沢蟹、魚子醬白海老鮪魚他他、熊本蕃茄要跟住個次序去食，編排得好好。先係魚子醬白海老鮪魚他他，師傅提醒要一啖放入口！嘩，口感層次非常豐富
毫無煩惱，師傅幫你諗好，夠哂驚喜，只要乖乖坐低，野食直接送到你眼前。
今日黎左呢間位於銅鑼灣高層日本🇯🇵師傅發辦慶祝。好高人氣好多明星藝人都黎打卡🤗
個景仲好靚，可以一路望住師傅準備料理，一邊睇住個靚景，令人舒服。
大家仲要去廁所參觀一下，都好高級好靚🤭🤭哈！
今日有 杜師傅為我們烹調👨🏻🍳佢多年經驗仲係日本🇯🇵打滾過同經常去日本搜羅時令食材，而且每道菜都係佢精心設計，好有創意夠哂厲害。👍
餐廳推出左最新菜單《夏日限定廚師發辦 SUSHI GIN》,真係好令我驚喜，可以話我食過最好味又最多野食最正既一次！😍
竟然有17道菜式，而且好多都係好珍貴時令食材，超新鮮！
前菜🍚
🐟真鱸魚昆布漬
鱸魚用左昆布漬調味，令到味道鮮點咸香，幾開胃。
赤羽太，粒貝，鰹魚高湯燙霜 🐟
呢款魚既味道本身淡味，加左鰹魚既濃湯加熱，令到魚鮮味帶出，再沾上木魚花醬汁，味道立即變得濃味。好好味！😍
這個前菜簡直似一幅畫咁，放到好靚！😍
分別係
赤身紫蘇大根卷、琵琶湖稚鮎、唐揚本州沢蟹、魚子醬白海老鮪魚他他、熊本蕃茄
要跟住個次序去食，編排得好好。
先係魚子醬白海老鮪魚他他，師傅提醒要一啖放入口！嘩，口感層次非常豐富！
濃烈爽口既魚子醬，加上海蝦既爽口肉質同鮪魚既鮮味，好味到真係難以忘記！
赤身紫蘇大根卷 ，用左薑醋汁浸泡既蘿蔔絲，食落酸酸地，好醒胃！
條魚仔係 來自琵琶湖既稚鮎，同隻蟹就係來自本州，炸到好脆卜卜，好香脆😆
熊本蕃茄：非常鮮甜又多汁，好解膩呀！🍅
煮物
縞海老土佐酢啫喱:
呢個好特別，啫喱裡面有隻海老同放滿蝦籽，口感非常爽口蝦味又帶點酸甜，好開胃。
鮟鱇魚肝水雲酢：好多油脂甘香既魚肝，放入口既溶，食落有啲辣味，好正好惹味😋😋
呢個好靚，用左個罐仔放左 由蛋黃乳酪醬既渡蟹同放滿濃郁既蝦膏瀨尿蝦，味道好濃烈又鮮味，好鐘意呢道菜。
🍧象拔蚌、牡丹蝦、岩牡蠣 加上即刨既熊本蕃茄冰❄️食落非常清新夏日既感覺，配搭好創新又好match! 蕃茄真係好清甜，配上新鮮既海鮮，真係好味到極點！
縞鰺魚伴魚肝醬🐟深海池魚 質感甘香順滑 加上鹹香既縞鰺魚肝醬，味道更昇華！
平政魚伴柚子胡椒大根蓉：
用左平政魚包住左柚子蘿蔔蓉，食落酸酸地，好開胃！
火炙過既金目鲷，好多油脂，口感嫩滑肥。
仲有九州海螺🐚。
睇到呢個畫面真係流哂口水！
原隻既北海道紫海膽，真係好少咁樣食到！
好靚呀！😍😍😍加左啲拖羅蓉同三文魚籽，令到味道無咁膩，海膽真係超濃郁,好鮮甜又creamy ！
食完之後再襯番粒威士忌蜜瓜，👍真係好解膩呀，好甜。
穴子凍、穴子八番卷、穴子天
係由海鰻製成既理料，三種口味，好有創意！
鮑魚白露筍松露煮
第一次食到北海道既鮑魚，口感好煙韌。本身無咩味，靠佢個白松露同白露筍調味！濃郁既白松露忌廉汁，好香滑。好鐘意個汁好creamy!😋
食左咁多肉，就輪到沙律，解一解油膩。
有未來粟米、大根千切沙律、熊本蕃茄、紅酒蕎頭
🥗🥬🍅🌽
個日本粟米真係好甜呀，一咬啲汁流哂出黎，好味。👍
之後就輪到壽司喇！🍣
先來：來自九洲大分剝皮魚伴魚肝醬，好滑溜呀好鮮味，加左魚肝醬，食落好香濃。
鰯魚卷🍙由沙丁魚薑蔥黃瓜🥒卷成，食落多種口味，好有層次，好清脆。
鯖魚棒：呢個幾特別，面頭一塊透明既昆布色裹鯖魚片，食落酸酸鹹鹹。
鮪魚腩，鮪魚筋😍😍😍😋😋係拖羅呀！！好正呀。真係超豐富魚油脂，好肥美，放入口即刻溶，真係太美味！有筋既拖羅就無咁膩，有嚼勁。
超多層既紫海膽壽司😱😱🤭🤭見住師傅係咁搭高啲海膽，真係好正。海水味濃烈又鮮甜，回味無窮呀！
之後就鮪魚中落骨湯：用黎幫左消化下。
落左滑溜溜感覺既蒓菜🥬又幾特別，清清地幾好飲。
食左咁耐，終於到左甜品喇！
竟然有三款甜品，好誇張🤣😱😱😍😍
蝦味蛋糕，日本蜜瓜 同炸紅豆蓉
想講一講個蛋糕，幾好味，食落真係有陣蝦既味，蛋糕無用麵粉，只用雞蛋製成，所以食落蛋味特別香。
再配埋杯咖啡酒，真係好香濃好襯呀！😍
成餐飯食得好開心，讚口不絕呀👍
Post
