Video
Read full review
2017-11-25
276 views
QRE plaza 開咗就餐廳，係日式同西式fusion，放工就來試吓磯煮鮑魚配鮑魚肝醬 （$118）自從上次食過鮑魚肝汁後，一直都念念不忘，難得今晚又有呢道菜，一定要叫嚟試嚇。先將成隻鮑魚掃滿鮑魚肝醬後再炆。外表好似好韌，但原來肉質彈牙，連平時係最韌嗰啲邊位都好鮮嫩，仲好入味添，好有驚喜燒長腳蟹腳 （$228）店員介紹話佢哋每日都有啲由日本坐飛機嚟長腳蟹，拎上手好重又大隻，兩個人唔會食得到。大廚見我哋咁想試，就為我哋預備咗只有套餐入面先有嘅燒長腳蟹腳！蟹腳有成年人隻手板咁長，睇見都已經流曬口水。隻蟹半身有好多膏，大廚將蟹膏拆出嚟混合沙律醬，再掃滿蟹腳然後一齊燒。混合咗蟹膏嘅沙律醬味道有層次，但蓋過咗蟹肉嘅鮮味，有啲可惜，如果就咁用蟹膏燒唔知味道又會點呢？但令人滿足之處係隻蟹腳超多肉，一絲絲，仲拆極都有得食，點少少旁邊嘅七味粉非常惹味刺身併盤 （$418）所有刺身都係幾個鐘前由日本新鮮運到，所以我哋叫一盤試嚇法國白珍珠蠔：細細隻，啱女仔食，海水味適中唔鹹，肉身非常爽滑三文魚：未係腩位嗰種肥美，但食落都唔錯深海池魚：非常厚切，肉質爽身油甘魚：油脂唔算多，質感細滑大拖羅：睇見就開心嘅厚身大
磯煮鮑魚配鮑魚肝醬 （$118）
自從上次食過鮑魚肝汁後，一直都念念不忘，難得今晚又有呢道菜，一定要叫嚟試嚇。先將成隻鮑魚掃滿鮑魚肝醬後再炆。外表好似好韌，但原來肉質彈牙，連平時係最韌嗰啲邊位都好鮮嫩，仲好入味添，好有驚喜
磯煮鮑魚配鮑魚肝醬
$118
18 views
0 likes
0 comments
燒長腳蟹腳 （$228）
店員介紹話佢哋每日都有啲由日本坐飛機嚟長腳蟹，拎上手好重又大隻，兩個人唔會食得到。大廚見我哋咁想試，就為我哋預備咗只有套餐入面先有嘅燒長腳蟹腳！蟹腳有成年人隻手板咁長，睇見都已經流曬口水。隻蟹半身有好多膏，大廚將蟹膏拆出嚟混合沙律醬，再掃滿蟹腳然後一齊燒。混合咗蟹膏嘅沙律醬味道有層次，但蓋過咗蟹肉嘅鮮味，有啲可惜，如果就咁用蟹膏燒唔知味道又會點呢？但令人滿足之處係隻蟹腳超多肉，一絲絲，仲拆極都有得食，點少少旁邊嘅七味粉非常惹味
燒長腳蟹腳
$228
38 views
0 likes
0 comments
刺身併盤 （$418）
所有刺身都係幾個鐘前由日本新鮮運到，所以我哋叫一盤試嚇
法國白珍珠蠔：細細隻，啱女仔食，海水味適中唔鹹，肉身非常爽滑
三文魚：未係腩位嗰種肥美，但食落都唔錯
深海池魚：非常厚切，肉質爽身
油甘魚：油脂唔算多，質感細滑
大拖羅：睇見就開心嘅厚身大拖羅，大橫網紋非常明顯，油脂豐富，食完之後回味無窮
刺身併盤
$418
21 views
0 likes
0 comments
𩶘魚湯 （$78）
湯呈奶白色，入面有一梳本菇，味道非常鮮甜又唔鹹，魚味濃郁，真係想飲多一碗。如果叫蟹的話，仲可以將蟹肉shabu shabu，而呢個湯就係用嚟做湯底㗎喇
𩶘魚湯
$78
21 views
0 likes
0 comments
慢煮八爪魚意大利飯 （$168）
成碟都鋪滿好八爪魚及本菇，好足料。慢煮過嘅八爪魚肉質鮮嫩彈牙，味道仲好鮮甜。risotto飯粒
黏滿拉絲芝士，內裡微硬有起沙嘅口感，有輕微黑松露醬味道，就算已經飽咗但都會想繼續食
慢煮八爪魚意大利飯
$168
21 views
0 likes
0 comments
香煎肉眼扒 （$248）
朋友食極都仲肚餓，叫多份牛扒俾佢食喇。外層煎得微焦但內裡呈粉色，切開仲好juicy。 食落好有牛味，好有咬口感。伴碟嘅忌廉薯茸質感鬆軟，有少少似梳乎釐嘅口感，薯味濃郁，放少少想牛扒一齊食真係好好味！
香煎肉眼扒
$248
22 views
0 likes
0 comments
鮮果雪芭杯 （$48）
最後嘅甜品係來自日本嘅蘋果雪芭，提子及哈蜜瓜。蘋果雪芭味道濃郁，感覺好天然，唔似係蘋果汁嗰啲咁假，口感綿密。提子粒粒都結實，食落索索聲，完美嘅句號。
鮮果雪芭杯
$48
16 views
0 likes
0 comments
原來呢度負責人嘅屋企3代都係做海鮮批發，可以用平靚正嘅時令本地海鮮做材料。魚缸入面仲有好多不同種類嘅龍蝦、象拔蚌、蜆、蟹類有長腳蟹、北海道毛蟹、鱈場蟹及阿拉斯加蟹，其實鍾意食海鮮嘅朋友嚟到見到個魚缸應該會非常開心！而頭先我哋食嗰隻蟹腳就係來自$2000嘅長腳蟹，聽到價錢有少少嚇窒，但原來可以3食，仲要6個大人食都夠食㗎喎！已經約好咗下個月6個人一齊嚟試！
Post
