餃掂手工餃子雲吞專門店

今日食左間係太子嘅餃子專門店，整體感覺好天然，味道都好唔錯，價格又合理，值得encore!食湯餃，最緊要就係個湯底，呢度嘅湯底一啲都唔味精，反而有少少煲湯嘅清甜味，我哋叫咗兩款湯餃，都好夾個湯味～另外就係餃子，呢度嘅餃子都好大隻，餃子皮特別彈牙，豬肉味好香，豬肉肥瘦均勻，所以咬落口好juicy！至尊松茸餃湯餃呢度嘅王牌餃子，另外會配上一碟松茸醬，點黎食特別特別惹味。芫茜豬肉湯餃鍾意食芫荽嘅朋友一定要試吓呢個芫荽湯餃，佢個芫荽味非常重，配合新鮮嘅豬肉，食落口好清新，又啖啖肉，好有滿足感！另外佢都有好多調味同埋配菜俾大家揀！醬料方面，就有四川辣椒醬同菜脯豆豉醬，個人特別喜歡菜脯醬，辣辣地，加埋落湯麵食就好夾！粟米豬肉餃湯麵驚唔夠飽嘅朋友可以叫一碗餃子湯！都幾抵食，一大碗麵再加六隻餃子，構思可以自選同款色，想一次過試多啲唔同嘅味，我就揀咗粟米豬肉餃，粟米嘅鮮甜同埋咬口令到餃子食落更加有層次感。麻辣松花皮蛋一個少少辣嘅小食，皮蛋好香，但有少少麻辣，加落去同餃子一齊食都幾夾～山楂雪梨水味道好清新，唔會太甜，本身呢度飲品就已經係冇加冰，所以凍飲都唔會太凍，女仔飲就岩晒！