一起果醬 (Closed)

公司同事介紹我食呢間「一起果醬」既scone ，去到間店感覺都幾relax，幫我睇完Menu之後，我決定試其他嘢先，因為呢度出名係自家製嘅果醬，所以我要咗一份九宮格多士同埋真紅豆冰。不過想先提一提大家其中一個服務員態度幾差，我記得果日我心情好，如果唔係爆硬佢😂。九宮格多士 - 就係一塊厚多士分開九格，而每一格都有不同嘅果醬，總共有九款味道。一食就知係手工果醬，因為佢偏水狀，加上佢用厚多士會吸水，所以上面剩返嘅就係好似果泥嘅質地。果醬唔會太甜，又唔會好濃味。真紅豆冰 - 呢個正喎，好似紅豆冰沙，夠味，呢個夏天飲佢簡直係完美。