漢斯 (Closed)

今日趕時間，見呢度光線企理，就入咗嚟依度食。已經過咗午飯時間所以冇乜人。呢度嘅待應非常好客，態度誠懇，介紹我哋食英式全餐，另外因應自己嘅喜好揀咗鰻魚飯。原來餐廳試業中，侍應邀請我哋晚市再嚟，因為晚市嘅餐牌會比較豐富，午市因為呢一區人少，所以選擇就少好多，不過始終少去呢區。奶茶茶味較重，未算好滑，吊下奶茶癮尚可接受。細心睇吓原來呢度主打嘅係健康嘅茶餐，餐牌都寫明唔會落色素同埋味精，食起上嚟感覺似住家菜，亦都真係唔油膩。$68蒲燒鰻魚飯，鰻魚大大塊好抵食，肉質嫩滑唔算玫，鰻魚嘅尾部比較多骨，但係算係可接受可吞嚥嘅硬度。飯質煙韌，可惜鰻魚汁感覺似甜豉油多於日本鰻魚汁。整體感覺食完係清新舒服嘅。⬇️英式早餐多士烤得剛好，滑蛋夠滑，薯餅脆但不油膩，蘑菇好有牛油香，脆皮腸名符其實。如果蕃茄稍為香煎更好。