方叔叔重慶老火鍋 (The L. Place)

Open Now

Now Closed

春天夏天無阻我打邊邊嘅決心，更何況我愛店之一今期有豬肚雞鍋底 ，call個friend陪我食麻辣鴛鴦。個鍋底好足料，好香胡椒、豬肚爽雞夠滑，淥野之前飲一碗超正。今期出左d春季養生菜同龍蝦拼盤，姬松茸菇煮熟仲好重松茸味，龍須筍係估唔到爽到有聲，喺香港算少食。鹽爆魚肚放豬肚鍋湯底吸哂汁超好味，至於其他海鮮，蟶子、珊瑚蚌都夠鮮味。有嫩牛肉、午餐肉、手打牛筋丸同黑松露手打魚滑，我都唔洗再食其阿肉類已經滿足，尤其是嫩牛肉係每次翻兜都好食。至於皇帝菜、淮山條、萵荀、苕粉，永無失準；有麻辣鍋點可以唔食苕粉，又滑又辣！仲有飲品都正啦，洛神花鮮橙特飲抵飲又酸酸甜甜，fit哂食火鍋。每次黎食d職員都係keep到水準咁好服務，呢間分店係好野黎。