Video
Read full review
2016-03-15
69 views
👅有口福以前成日落九龍城食晚飯，都食過幾次有口福既魚煲，今次同幾個朋友一齊食，終於可以一次過試曬雞煲同烤魚。 脆辣雞軟骨🌶 ($88)呢碟餸以前老細請過司令食，搞到司令一直念念不忘😋。雞軟骨炸過，咸香十足，配啤酒一流。但呢碟餸嘅重點並唔係雞軟骨，而係入面炸到酥脆嘅辣椒🌶，辣椒食落去其實冇乜辣椒味，而係好似薯片咁，搞到司令一舊接一舊，食到唔停口。 酸菜諸葛烤活魚🐟 ($178)烤魚司令都食過好多次，襯最近天氣涼番，係時候食番d 熱騰騰嘅野暖下個人。今次烤魚味道偏大眾，唔會太酸，湯嘅咸味亦都好足夠，配料嘅芽菜同腐皮吸哂湯，夠哂鮮味，而份量亦都好足料架。烤魚🐟食落有鮮甜味，再醃上酸酸辣辣嘅湯底，非常開胃😋，搞到司令唔覺唔覺食左大半條😝。不過要小心好易會痴底啊，同埋魚比較多骨，驚骨既可以叫另一款魚。 香辣雞煲🐔 ($158)呢度雞煲真係超香，喺啲雞未熟之前就已經有超淫賤既味👍🏻。司令今次叫左小辣嚟試，但就有啲唔夠辣，食落既時候覺得好似少左啲野咁🤔。後尾同老細講，叫佢比多少少辣我地，落完啲辣油，就very good，即刻唔同曬！ 另外叫左份豬蝴蝶腩（$68）加入去煮，索曬啲香辣
以前成日落九龍城食晚飯，都食過幾次有口福既魚煲，今次同幾個朋友一齊食，終於可以一次過試曬雞煲同烤魚。
脆辣雞軟骨🌶 ($88)
呢碟餸以前老細請過司令食，搞到司令一直念念不忘😋。雞軟骨炸過，咸香十足，配啤酒一流。但呢碟餸嘅重點並唔係雞軟骨，而係入面炸到酥脆嘅辣椒🌶，辣椒食落去其實冇乜辣椒味，而係好似薯片咁，搞到司令一舊接一舊，食到唔停口。
酸菜諸葛烤活魚🐟 ($178)
烤魚司令都食過好多次，襯最近天氣涼番，係時候食番d 熱騰騰嘅野暖下個人。今次烤魚味道偏大眾，唔會太酸，湯嘅咸味亦都好足夠，配料嘅芽菜同腐皮吸哂湯，夠哂鮮味，而份量亦都好足料架。烤魚🐟食落有鮮甜味，再醃上酸酸辣辣嘅湯底，非常開胃😋，搞到司令唔覺唔覺食左大半條😝。不過要小心好易會痴底啊，同埋魚比較多骨，驚骨既可以叫另一款魚。
香辣雞煲🐔 ($158)
呢度雞煲真係超香，喺啲雞未熟之前就已經有超淫賤既味👍🏻。司令今次叫左小辣嚟試，但就有啲唔夠辣，食落既時候覺得好似少左啲野咁🤔。後尾同老細講，叫佢比多少少辣我地，落完啲辣油，就very good，即刻唔同曬！
另外叫左份豬蝴蝶腩（$68）加入去煮，索曬啲香辣味，加上腩位煮到淋曬，仲好食過雞😍。不過雞煲唔夠濃味，一加水，就會開始唔夠味，要再滾多陣先食。
Post
